Nga Italia në Amerikë, nëse jeni duke kërkuar destinacione për të shkuar në shtator dhe tetor, mjafton të vendosni vetëm se çfarë ju pëlqen.
Kur themi çfarë ju pëlqen e kemi fjalën nëse doni destinacione shumë të populluar, të nxehta ose jo, me restorante afër etj. Shpesh, shtatori nënkupton edhe çmime më të ulëta , veçanërisht për fluturimet. Për këtë arsye ne po ju tregojmë pesë destinacione perfekte ku mund të udhëtoni në shtator dhe tetor.
Palermo
Mundesh me e lexu edhe…
Është një qytet që në verë shpesh vizitohet vetëm kalimthi për shkak të vapës, por që meriton shumë më tepër rëndësi nga vizitorët. Mund të shkoni për një fundjavë duke u nisur që të premten pas pune dhe të ktheheni të dielën në mbrëmje. Në këtë formë përfitoni edhe nga kostoja e ulët e fluturimit, përcjell Living.al.
Salzburg
Për të shijuar vjeshtën në maksimum, zgjidhni Salzburgun romantik. Shëtisni nëpër qendrën historike, bëni pazar, shijoni produktet vendase, vizitoni vendlindjen e Mozartit dhe të gjitha thesaret e tjera që ofron ky qytet. Në fshatrat përreth është plot me hotele ku mund të pushoni. Mos humbisni mëngjeset në verandat e hoteleve me pamje nga malet, janë thjeshtë perla.
Santorini
Ishulli grek me perëndimet e mrekullueshme gjatë verës është i tej mbushur me turistë, ndërsa vjeshta, shtatori dhe tetori është muaji ideal për të shijuar dhe provuar çdo gjë aty. Kjo sepse turistët pothuajse ikin të gjithë.
Portugali
Portugalia është një nga destinacionet më të njohura verore për ata që duan të bëjnë pushime jashtë. Prandaj meqenëse dhe aty në vjeshtë turistët janë më të paktë në numër, nuk do ju duhet të prisni në radhë për gjërat që dëshironi. Mos humbisni shijimet e verës tradicionale portuale dhe ” bacalao “, si dhe shëtitjet e gjata nëpër rrugët e ngushta të qytetit. Nëse keni mundësi, kaloni disa ditë mes fshatrave përgjatë lumit Douro.
Nju Jork
Vjeshta është një nga sezonet më të mira për të vizituar Nju Jorkun. Ecni nëpër lagjet më ikonike, mos humbisni vizitat në muze, por edhe shfaqjet dhe ngjarjet që “Big Apple” ofron çdo ditë. Shijoni gjithashtu shëtitjet në park, udhëtimet në Statujën e Lirisë, pamje panoramike nga rrokaqiejt më të lartë dhe disa ushqime lokale. /Katror.info
Përgatiti:
