Pesë seriale më të përfolura që vijnë në Netflix këtë vit

2024 pritet të jetë një vit i mbarë kur bëhet fjalë për përmbajtjen në shërbimet e transmetimit. Hollywood po i kthehet rutinës se tij të vjetër – skenaristët i kanë dhënë fund grevës së tyre dhe situata është përmirësuar për hitet e shumëpritura të Netflix. Këtu janë të gjitha seritë që vijnë në platformën popullore këtë vit.

The Gentlemen – vjen në fillim të vitit

Guy Ritchie do të publikojë The Gentlemen, një seri me të njëjtin emër dhe të vendosur në të njëjtin univers si filmi i tij i vitit 2019. Këtë herë, Theo James i White Lotus kryeson kastin si Eddie Horniman, i cili trashëgon pasurinë masive të babait të tij vetëm për të zbuluar se është pjesë e një perandori marihuane.

One Day – fillon më 8 shkurt

Bestselleri qesharak dhe emocionues i David Nicholls, i cili gërmohet në jetën e miqve Emma dhe Dexter në të njëjtën ditë korriku për 20 vjet, po kthehet në një mini-serial për Netflix me Ambika Maud dhe Leo Woodall. Seriali do të ketë 15 episode.

3 Body Problem- mbërrin më 21 Mars

Seriali nga producentët David Benioff dhe DB Weiss është një përshtatje e librit fantastiko-shkencor të Liu Cixin që po cilësohet si përgjigje e shekullit të 21-të ndaj War of Worlds.

Historia ndjek astrofizikanen Ye Wenjie e cila është dëshmitare e vrasjes së babait të saj gjatë Revolucionit Kulturor Kinez dhe më vonë rekrutohet për t’u bashkuar me një projekt sekret ushtarak që përpiqet të krijojë kontakte me alienët. Vendimi që ajo mori në vitet gjashtëdhjetë ka pasoja të mëdha për shkencëtarët e sotëm.

Stranger Things (sezoni i pestë) – pritet gjatë verës

Përgatituni të ktheheni në Hawkins për herë të fundit. Të gjithë po pyesin nëse Eleven dhe banda do ta vrasin Vecnën e keqe? Dhe a do të arrijnë vëllezërit Duffer t’i japin fund sagës së tyre fantastiko-shkencore jashtëzakonisht të suksesshme në një mënyrë që do të kënaqë legjionet e adhuruesve të serialit?

Eric – del në fillim të vitit

Benedict Cumberbatch është në qendër të këtij thrilleri të vendosur në Nju Jork në vitet tetëdhjetë. Seriali ndjek kërkimin e dëshpëruar të një babai (Cumberbatch) kur djali i tij nëntë vjeçar humbet një mëngjes rrugës për në shkollë. /Katror.info