Në teori, planet e Toyota-s duken fantastike, por mbetet për t’u parë nëse dhe kur do të realizohen realisht këto plane.
Duke marrë parasysh se pothuajse të gjitha kompanitë e makinave sot investojnë shumë para në kërkimin dhe zhvillimin e automjeteve elektrike dhe teknologjisë së baterive, është e qartë se në të ardhmen mund të presim risi të shumta në këtë treg. Inovacionet që shumica e përdoruesve do të donin t’i shihnin kanë të bëjnë me përmirësimin e cilësisë dhe qëndrueshmërisë së baterive dhe shpejtësisë së karikimit, dhe për një sukses edhe më të madh në shitje të automjeteve me motor elektrik, çmimi i tyre do të jetë i një rëndësie të madhe, shkruan Katror.info.
Në të ardhmen, Toyota synon të prezantojë pikërisht makina të tilla – me bateri me diapazon më të gjatë që do të karikohen më shpejt, dhe do të jenë më të përballueshme. Kjo kompani së fundi njoftoi planet për zhvillimin e teknologjisë së baterive deri në fund të dekadës, të cilat përfshijnë katër lloje të baterive të gjeneratës së re, dhe nëse njoftimet e tyre bëhen të vërteta, për pesë vjet do të mund të kalojmë rreth 1000 km me makinën e tyre elektrike, përpara se të ndaloni në një stacion karikimi. Përveç fokusimit në inovacionin që lidhet me vetë bateritë, Toyota dëshiron ta rrisë këtë shtrirje duke zbatuar përmirësime dhe inovacione në aerodinamikë, si dhe në procesin e prodhimit.
Mundesh me e lexu edhe…
Gjatë hapjes së fundit të një fabrike të re për makina elektrike, kompania japoneze njoftoi se pritet të prezantojnë modele të reja të automjeteve elektrike deri në vitin 2026, të cilat do të fuqizohen nga bateria litium-jon, Performance, falë së cilës rrezja duhet të jetë rreth 800 km. Krahasuar me makinën e parë elektrike të Toyota-s, bZ4X, modelet e reja duhet të jenë 20 për qind më të lira, me mbështetje për karikim të shpejtë të baterisë deri në 20 minuta ose më pak.
Pas kësaj, Toyota planifikon të prezantojë bateri që nuk do të fokusohen në rreze, por në kosto më të ulëta. Makinat me bateri të tilla duhet të jenë deri në 40 për qind më të lira në krahasim me bZ4X, me një diapazon më të mirë prej rreth njëzet për qind, i cili, theksojnë në Electrek, duhet të arrijë në rreth 600 km.
Toyota po zhvillon gjithashtu një bateri me performancë të lartë me një distancë deri në një mijë kilometra dhe ne mund të presim makinat e para me një bateri të tillë në 2027 ose 2028. Megjithatë, përparimi më i madh pritet nga e ashtuquajtura bateri në gjendje të ngurtë. Sipas planeve optimiste, makinat e para me bateri të tilla i presim në treg pas 4 deri në 5 vjet, dhe performanca e tyre do të jetë fantastike – një distancë prej rreth njëmijë kilometrash me karikim super të shpejtë në më pak se dhjetë minuta. Planet e tyre afatgjata përfshijnë një bateri që mund të zgjasë deri në 1200 km, por pyetja është se kur një bateri e tillë do të jetë gati për përdorim.
Edhe pse, natyrisht, pyetja është nëse Toyota do t’i realizojë vërtet planet e saj ambicioze në harkun kohor të përmendur, është e qartë se planet e tyre afatgjata kanë të bëjnë me elektrifikimin dhe automjetet elektrike që do të kenë shtrirje të madhe./Katror.info
Përgatiti:
