Kate Middleton dhe Princi William ishin të ftuar në BBC Radio 1 dhe kënaqën shumë dëgjues me deklaratat e tyre interesante.
Në daljen e tyre në program, çifti zbuloi edhe pika interesante që askush nuk e kishte menduar se ata do t’i zbulonin.
Princi dhe Princesha e Uellsit kanë qenë të ftuar në emisionin “Going Home”, ku ndër të tjera kanë folur edhe për përdorimin e emotikonëve. Me atë rast, prezantuesi Vic Hope e pyeti çiftin mbretëror se cilin prej emotikonëve përdorin më shpesh kur komunikojnë përmes celularit.
Mundesh me e lexu edhe…
Kate Middleton bëri shaka se varet nga grupi në WhatsApp, dhe nëse është një grup familjar, atëherë ata kanë kujdes. Princi William vazhdoi fjalët e saj duke thënë se atij i është thënë se duhej të zgjidhte diçka tjetër në vend të domatës, sepse nuk është vërtet e përshtatshme.
“Dikur përdorja më shumë emoji-n e domatës, por më duhej të rritesha pak, kështu që tani është një buzëqeshje me sy lart e poshtë dhe me gojë”, tha William, ndërsa Kate tha se përdor më së shumti emoji-n e zemrës. e ndjekur nga ajo që qan dhe në fund qeshja histerike kur gjërat shkojnë keq.
Prezantuesit Jordan North dhe Vic Hope nuk mbetën imun ndaj deklaratave të tyre, të cilët fillimisht u tronditën pak dhe më pas u kënaqën me përgjigjen e William.
North tha: “Ai tha domate, po kjo është gjeniale”, ndërsa Vic Hope shtoi: “Ai e di se çfarë i nevojitet. Ai ka mendime të pista”.
Kate dhe William njihen ndryshe për sjelljet e tyre të relaksuara dhe duket se nga viti në vit çifti mbretëror relaksohet gjithnjë e më shumë dhe dëshiron t’i tregojë publikut se ata janë thjesht një çift i zakonshëm i martuar dhe me një përditshmëri normale./Katror.info
Përgatiti:
