Në Ditën Botërore të Pingpongut, Klubi i Pingpongut Priping dhe IPKO në bashkëpunim shoqatën Autizmi dhe Down Syndrome Kosova, kanë shënuar këtë ditë duke mbledhur dhjetëra pingpongistë të vegjël në sallën e pingpongut në Pallatin e Rinisë dhe Sportit në Prishtinë.
Këtë vit kjo ditë synon që përmes sportit të pingpongut të promovojë diversitetin dhe gjithëpërfshirjen në sport me sloganin “Pingpongu të përket ty.”
Presidenti i klubit Priping Kastriot Orana tregon veçantinë e shënimit të ditës së sotme.
Mundesh me e lexu edhe...
“Çdo vit Federata Botlrore e PingPongut, pra fondacioni i federatës, ITTF Foundation, e cakton një kauzë, dhe këtë vit, është diversiteti dhe gjithëpërfshirja, ne në sallën e pingpongut i kemi disa mysafirë shumë special, shoqatën e autizmit, dhe Down Syndrome Kosova, d.m.th, ne sot po e shënojmë Ditën Botërore të Pingpongut, mirëpo me këtë ditë ne po e fillojmë bashkëpunimin afatgjatë me këto dy shoqata, që me i integru, jo vetëm sot që shënon kjo ditë, por në çdo seancë stervitore me ardh çdo fëmijë me aftësi të kufizuar dhe me u bë pjesë e klubit tonë. Klubi PriPing edhe ashtu ka persona me nevoja të veçanta, por kjo do ta bëjë edhe më gjithpërfshirës Klubin e PingPongut – PriPing, por edhe pingpongun si sport”, u shpreh Orana.
Hatixhe Hoxha nga Shoqata Autizmi, thotë se gjithëpërfshirja e fëmijëve me nevoja të veçanta në aktivitete sportive është tepër dobiprurëse për ta.
“Ne tash e tutje do të shohim të bëjmë një marrëveshje me PriPingun, dhe jemi të interesuar me qenë pjesë e tyre, normalisht që për fëmijët me aftësi të kufizuar, në këtë rast edhe me autizëm, është shumë e mirëpritur kjo, madje edhe për familjet, që ata me qenë të përfshirë në sporte të ndryshme, varet mandej prej fëmijëve se cilat sporte kanë me i pëlqy”, tha Hoxha.
Në ngjarjen e sotme i pranishëm ishte edhe drejtori për Rini dhe Sport në Komunën e Prishtinës, Bardh Krasniqi, i cili përgëzoi klubin Priping për eventin i cili bashkoi sportistët e vegjël bashkë me fëmiëjt me autizëm dhe ata me Sindrom Down.
“Gjithë qëllimi i drejtorisë dhe i të gjitha klubeve, të cilat po bëjnë punë të pandalë, sidomos PriPingu, të cilët përgëzoj shumë. Gjithsesi, çdo sport është me rëndësi shumë për ne dhe ne e përkrahim, sepse kjo është e domosdoshme dhe e nevojshme për rininë tonë që t’i aktivizojmë sa më shumë. Ajo që po shohim këtu është një mrekulli, ku kemi fëmijë të ndryshëm, gjenerata të ndryshme, të rinj të shkollave fillore, të shkollave të mesme, dhe po shohimedhe disa fëmijë të tjerë me autizëm të cilëve duhet t’i kushtojmë shumë vëmendje dhe rëndësi që t’i involvojmë në shoqërinë tonë dhe duhet të luftojmë që t’i aktivizojmë. Prandaj, i përgëzoj të gjithë pingpongistat e rinj edhe ata që e bëjnë për sport profesional edhe ata që merren me këtë për rekreacion”, theksoi ai.
Eventi i Ditës Botërore të Pingpongut është një nismë e Fondacionit e ITTF-së, ndërsa ngjarja në Prishtinë u mbështet nga IPKO, për të festuar sportin e pingpongut në mënyra të ndryshme.
“Ne si mbështetës të sportit jemi krenarë që jemi pjesë e kësaj iniciative globale,” thuhet në postimin e sponsorit të kësaj ngjarjeje, IPKO-s nw rrjetet e tyre sociale.
Ndryshe, ngjarja e sotme në të cilin iu shpërndanë certifikata të gjithë vogëlushëve, ishte një nga 418 ngjarjet e organizuara nga klube dhe federata të ndyshme nga mbarë bota./Katror.info
Përgatiti:
