Që të dy ndeshjet e ditës së sotme në Euro 2024 do të luhen në të njëjtin orar diçka që i ka hutuar tifozët, por që një arsye mjaft interesante fshihet prapa kësaj.
Euro 2024 tanimë ka filluar të marrë formë pasi ekipe si Gjermania, Portugalia dhe Spanja e kanë siguruar një vend në mesin e 16 kombëtareve më të mira, teksa ka mbetur edhe një ndeshje për t’u luajtur.
Sot, nikoqiri Gjermania do të luajë ndaj Zvicrës me fillim nga ora 21:00 në Frankfurt. Në të njëjtën kohë, por në Stuttgart, Skocia do të përballet me Hungarinë dhe ka një arsye pse UEFA ka vendosur që ndeshjet të luhen në të njëjtin orar.
Mundesh me e lexu edhe...
Gjithçka rrjedh nga Botërori i vitit 1986, ku një incident i njohur me emrin “Turpi i Dijonit” kishte ndodhur.
Gjermania Perëndimore luajti ndaj Austrisë ndeshjen e tyre të fundit në fazën e grupeve ndërsa Algjeria u përball me Kilin.
Algjeria e mposhti Kilin me rezultat 3-2, duke i vendosur ata para Gjermanisë Perëndimore në grup para ndeshjes së tyre.
Por pasi Algjeria luajti një ditë para Gjermanisë Perëndimore, do të thotë se vendet fqinje evropiane e kanë ditur se një fitore për gjermanët me një ose dy gola do të siguronte kualifikimin e të dyjave, duke eliminuar shtetin afrikan.
Horst Hrubesch shënoi golin e vetëm teksa Gjermania Perëndimore korri fitore me rezultat minimal 1-0 ndaj Austrisë.
Pas përfundimit të takimit, Algjeria hartoi një ankesë në FIFA, e cila iu kundërpërgjigj duke thënë se Gjermania dhe Austria nuk kanë thyer rregullat.
Që prej Botërorit të vitit 1986, të gjitha ndeshjet e xhiros së fundit në grupe janë luajtur në të njëjtin orar për të evituar ngjarje të tilla.
UEFA e shtoi këtë rregull në të gjitha edicionet e Euro-s dhe Ligës së Kampionëve, për të evituar ndonjë mundësi të fiksimit të ndeshjeve./Katror.info
Përgatiti:
