Autorja e “Fifty Shades of Grey”, trilogjia e famshme që u kthye në një seri filmash po kaq të famshëm, është duke lexuar dhe studiuar Kanunin e Lekë Dukagjinit.
Erika L.James ka postuar në Instagram-in e saj një foto të Kanunit, ndërsa bashkangjitur me të shkruan “Kërkime” dhe hashtag-un “TM2”, që në fakt tregon edhe arsyen përse e ka ndërmarrë këtë veprim.
Kështu, James besohet se është duke shkruar vëllimin e dytë të librit “The Mister”, gjë që konfirmohet nga hashtag-u që ka përdorur për “The Mister 2.
Mundesh me e lexu edhe…
Në librin e parë rrëfehet historia e aristokratit, Maxim Treveylan, një njeri i pasur që bie në dashuri me një emigrane të jashtëligjshme shqiptare, Alesia Demaçin, e cila është trafikuar në Angli nga partneri i saj.
- Advertisement -
Fundi i librit gjen dyshen që mbërrijnë në Shqipëri, pra Maximin dhe Alesian, me aristokratin që takon babanë e vajzës.
Duke dashur që historinë në vëllimin e dytë ta trajtojë në mënyrë sa më origjinale e të vërtetë, autorja e njohur me sa duket është duke studiuar Kanunin, për të kuptuar më shumë mbi zakonet e vjetra të shqiptarëve.
- Advertisement -
Përgatiti:
