Generata e tretë e modelit Jeep Compass do të mbajë një dizajn të njohur katror, tipik për markën, ndërsa do të ketë një ngjashmëri teknologjike me Peugeot 3008. Pamjet e reja që janë shfaqur në internet e konfirmojnë këtë, megjithatë, një konfirmim zyrtar pritet së shpejti.
Pamjet e para të Compass-it të ri janë shpërndarë nga media braziliane Quatrorodas, dhe Jeep ka publikuar një seri imazhesh “render” të modelit, përfshirë një version tërësisht elektrik. SUV-i do të debutojë këtë vit dhe do të prodhohet në fabrikën e Melfi, Itali, deri në fund të vitit 2025.
Dizajni i jashtëm i Compass-it të tretë mbetet i ngjashëm me atë të Avenger-it, duke ruajtur linjat katrore dhe elementet skulpturale. Elementët mbrojtës plastikë janë të pranishëm për t’i dhënë më shumë qëndrueshmëri dhe karakteristikat mbrojtëse.
Mundesh me e lexu edhe…
Në brendësi, SUV-i ofron një ekran më të madh për sistemin multimedial, disa butona fizikë, hapësirë të bollshme për depozitimin e gjërave, çati panoramike dhe një hapësirë çatie elektrike në nivelet më të larta të pajisjeve. Ekrani head-up dhe mbulesa lëkure me qepje elegante janë gjithashtu pjesë e mundësive të brendshme.
Modeli i ri do të ndërtohet mbi platformën STLA Medium të Stellantis, një platformë që ndan me Peugeot 3008 dhe 5008, Opel Grandland dhe Citroen C5 Aircross. Për më tepër, do të ketë mundësi të ndryshme motorizimi, përfshirë një version të plotë elektrik, duke e bërë modelin shumë të ngjashëm me Peugeot 3008 dhe të tjerët të markës Stellantis./Katror.info
