Sezoni i dytë i serialit shumë të shikuar koreano-jugor do të publikohet menjëherë pas Krishtlindjes, më 26 dhjetor, sipas njoftimit të Netflix të mërkurën (31 korrik), së bashku me një klip paralajmërues.
Një sezon i tretë dhe i fundit do të vijë diku në vitin 2025, shkruan The Independent.
Përshkrimi zyrtar për sezonin e dytë thotë: “Tre vjet pas fitores në Squid Game, Lojtari 456 mbetet i vendosur të gjejë personat pas lojës dhe t’i japë fund këtij sporti të egër. Duke përdorur pasurinë e tij për të financuar kërkimin e tij, Gi-hun fillon me vendin më të dukshëm: të kërkojë njeriun me kostum të mprehtë që luan ddakji në metro. Por kur përpjekjet e tij më në fund japin rezultate, rruga drejt shkatërrimit të organizatës del të jetë më vdekjeprurëse se sa ai e kishte imagjinuar: për të përfunduar lojën, ai duhet të ri-hyjë në të”.
Mundesh me e lexu edhe…
The real game begins. Squid Game Season 2 is coming December 26.
The Final Season coming 2025. pic.twitter.com/Y3fQJ7LA2h
— Netflix (@netflix) July 31, 2024Sezoni i dytë do të publikohet pothuajse tri vjet pas debutimit me nëntë episode të vitit 2021, i cili theu rekorde për Netflix. Aktualisht renditet si sezoni më i shikuar në historinë e kompanisë.
Krijuar nga regjisori Hwang Dong-hyuk, seria për një grup konkurrentësh të mbushur me borxhe që luftojnë deri në vdekje për një shumë parash që ndryshon jetën ishte ndër listën e origjinaleve të njohura të Netflix që do të kthehen këtë vit.
U bë drama e parë në gjuhë jo-angleze që mori nominime në disa kategori të mëdha në “Emmy Awards”, duke përfshirë “Dramën më të Mirë”. Ylli kryesor Lee Jung-jae u bë koreani i parë që fitoi çmimin për “Aktorin më të Mirë”.
Hwang gjithashtu u bë regjisori i parë aziatik që fitoi në kategorinë e serisë së dramës së shquar dhe regjisori i parë ndonjëherë që fitoi për një seri në gjuhë jo-angleze.
Lee do të rikthehet për të luajtur në sezonin e dytë së bashku me aktorët e kthyer Lee Byung-hun, Wi Ha-jun dhe Gong Yoo. Anëtarët e rinj të kastit përfshijnë: Yim Si-wan, Kang Ha-neul, Park Gyu-young, Lee Jin-uk, Park Sung-hoon, Yang Dong-geun, Kang Ae-sim, Lee David, Choi Seung-hyun, Roh Jae-won, Jo Yu-ri dhe Won Ji-an.
Vazhdimi i serialit u njoftua në vitin 2022 gjatë thirrjes për fitimet e tremujorit të katërt të Netflix-it, me CEO-në Ted Sarandos që tha “universi i Squid Game sapo ka filluar”./Katror.info
Përgatiti:
