Disney publikoi të premten trailerin e parë të riprodhimit të filmit “The Little Mermaid”, ku shfaqet Halle Bailey si Ariel. Muzikali Little Mermaid është planifikuar të dalë në kinema më 26 maj 2023. Ndërsa traileri tregon Bailey-n vetëm duke kënduar “Part of Your World” për disa sekonda, ai ofron një pasqyrë të atmosferës së valëzuar të filmit dhe estetikës së përgjithshme të detit të thellë.
Kasti i mbushur me yje përfshin Melissa McCarthy si shtriga e keqe e detit, Ursula, Jonah Hauer-King si Princi Eric dhe Javier Bardem si Mbreti Triton. Daveed Diggs është gjithashtu pjesë e kastit si zëri i Sebastian, Jacob Tremblay zë Flounder dhe Awkwafina është zëri i Scuttle. Ndërsa këngët klasike nga filmi origjinal i animuar pritet të jenë të përhapura gjatë gjithë filmit, do të ketë edhe disa melodi të reja.
Lin-Manuel Miranda dhe Alan Menken, kompozitori i këngëve origjinale nga filmi i animuar i vitit 1989, u bashkuan në kolonën e re zanore. Me regji të Rob Marshall, i njohur për punën e tij të pabesueshme në muzikalin “Chicago”, “Sirena e Vogël” ka shkaktuar reagime të kundërta për përzgjedhjen e një gruaje me ngjyrë për të portretizuar Arielin. Bailey ka deklaruar më pare se ajo ka përgjegjësinë të përfaqësojë vajzat me ngjyrë që ëndërrojnë të bëjnë atë që ajo bën.
Mundesh me e lexu edhe...
Është e rëndësishme të kesh një sistem të fortë mbështetjeje rreth teje. Është e vështirë të mbash peshën e botës vetëm. Ishte një gjë frymëzuese dhe e bukur të dëgjoja fjalët e tyre inkurajuese, duke më thënë: ‘Ti nuk e kupton se çfarë po bën kjo për ne, për komunitetin tonë, për të gjitha vajzat e vogla me ngjyrë që do ta shohin veten tek ty.
Përgatiti:
