Netflix publikoi trailerin për pjesën e dytë të Rebel Moon, filmi i tij më i shtrenjtë i vitit 2023. Titulli i plotë i filmit është Rebel Moon – Pjesa e Dytë: The Scargiver, dhe premiera e tij është planifikuar për 19 Prill 2024.
Rebel Moon është një aventurë epike e ndarë në dy pjesë, që ndjek jetën e Korrës, një ish-ushtare e perandorisë të së keqes. Korra përpiqet të shlyejë të kaluarën e saj duke ndihmuar fermerët që u sulmuan nga perandoria, pasi i shitën ushqim për rebelët.
Rebel Moon – Pjesa e Parë: A Child of Fire është në dispozicion në Netflix nga 22 dhjetori. Edhe pse shumë kanë pritur publikimin e filmit të ri të Zack Snyder, komentet e para nuk janë premtuese. Kritikët e Rotten Tomatoes i dhanë filmit 23%, ndërsa shikuesit 66%.
Mundesh me e lexu edhe…
Në një intervistë për Total Film, Snyder u përgjigj pse e ndau filmin në dy pjesë.
“Sinqerisht, filmi i parë hap skenën për pjesën e dytë. Fundi i filmit është një shkëmb i çmendur që të hedh drejt e në Scargiver. Do të jenë dy filma të ndryshëm për nga atmosfera. Në pjesën e parë kalojmë kohë me njerëzit në fshat, duke zhvilluar marrëdhënie me ta dhe me vendin ku jemi. Kur të vijë pjesa e dytë, ne në fakt do të jemi në gjendje të kujdesemi për ta gjatë përleshjeve,” tha ai. Skenaristët e të dy filmave janë Zack Snyder, Kurt Johnstad dhe Shay Hatten. Ylli kryesor është Sofia Boutella, ndërsa Anthony Hopkins, Charlie Hunnam, Michiel Huisman dhe Jimon Hounsou shfaqen në role dytësore./Katror.info
Përgatiti:
