Kosova Generation Unlimited (K-GenU) po ofron mundësi për punë praktike, mentorim dhe trajnime për 10,000 të rinj në Kosovë.
Nën udhëheqjen e Ministrisë së Financave, Punës dhe Transfereve, në partneritet me UNICEF-in në Kosovë dhe Rrjetin CSR Kosova, ka filluar një fazë e re e programit K-GenU.
Sipas Ministrise së financave, kjo është një iniciativë e suksesshme e zhvillimit të shkathtësive dhe eksperiencës së punës përmes mundësive për punë praktikë, e cila zbatohet në kuadër të partneritetit ndërmjet institucioneve të Kosovës, kompanive të sektorit privat, partnerëve zhvillimorë dhe të rinjve.
Mundesh me e lexu edhe…
Nga ky program do të fuqizohen 10,000 të rinj duke ju ofruar punë praktike, mentorim dhe trajnim përgjatë dy viteve të ardhshme.
Cikli i parë i programit do të angazhojë të rinjtë në punë praktike me kompenzim për tre muaj me radhë, në ndërmarrje private dhe publike në Kosovë. K-GenU është një mundësi për të gjithë të rinjtë e moshave 16-24 vjeç, ku të gjitha grupet dhe profilet arsimore inkurajohen që të aplikojnë.
Për të mësuar më shumë rreth programit ose për t’u regjistruar për këtë mundësi, kliko këtu.
K-GenU është një koalicion me shumë akterë ndërmjet sektorit publik, sektorit privat dhe partnerët e zhvillimit për të nxitur bashkëpunimin dhe promovuar shkathtësitë e punësimit dhe fuqizimin e të rinjve përmes zhvillimit të aftësive dhe përvojës së punës.
Përgatiti:
