Sindikata e Punëtorëve të Radiotelevizionit të Kosovës (SPERTK) si dhe punjënonës të tjerë të mediumit publik kanë protestuar sot para Kuvendit të Kosovës, Qeverisë së Kosovës, Presidencës së Kosovës me kërkesën e vetme që të transferohet buxheti për RTK-në dhe të marrin pagat për punën e kryer.
Ata kanë përsëritur kërkesën e tyre drejtuar Qeverisë në detyrë, që të marr veprime të menjëhershme dhe të gjejë zgjidhje për të transferuar mjetet financiare në këtë situatë siç thonë të rëndë për transmetuesin publik, e rrjedhimisht për të shmangur protestat dhe veprimet e tjera sindikale të punëtorëve të Radiotelevizionit të Kosovës.
Punëtorët e RTK-së mbanin në duar pankarta “Gazetar pa pagë, demokraci pa zë”, “Mos e shkatërroni mediumin publik”, “Kërkojmë dinjitet, jo mëshirë”, “RTK është e popullit, jo e politikës”, etj. /Telegrafi/Katror.info
