Turqia raportoi temperaturë rekorde prej 49.5 gradë Celsius, të regjistruar të martën në provincën qendrore të Anadollit, Eskişehir, dhe ekspertët paralajmërojnë se trendi i valëve të të nxehtit në pellgun e Mesdheut do të vazhdojë deri në vitet 2040.
Një temperaturë rekord është regjistruar të martën në provincën qendrore të Anadollit, Eskişehir, shkroi ministri i Mjedisit, Mehmet Özhaseki, në platformën e mediave sociale X, dikur Twitter, të martën në mbrëmje.
Rekordi i mëparshëm ishte 49.1 gradë Celsius dhe u mat në vitin 2021, shtoi Özhaseki.
Mundesh me e lexu edhe...
Shërbimi Kombëtar i Motit paralajmëroi të mërkurën se vala e të nxehtit do të vazhdojë të tejkalojë me 11 gradë temperaturat normale sezonale.
Arsyeja kryesore për rekordet e nxehtësisë është ndryshimi i klimës, sipas Barış Önol, profesor i meteorologjisë në Universitetin Teknik në Stamboll, shkruan Katror.info.
Edhe pse fenomeni i motit El Niño sjell edhe rekorde temperaturash, valët e të nxehtit po bëhen më të shpeshta dhe po zgjasin më shumë, tha Önol në një bisedë telefonike me dpa.
“Turqia do të jetë shumë më e ekspozuar ndaj temperaturave të larta në 30 deri në 40 vitet e ardhshme, ashtu si pjesa tjetër e rajonit të Mesdheut,” paralajmëroi ai.
Sezoni i pikut turistik në vendet e Mesdheut do të zhvendoset në shtator dhe tetor nga viti 2040, parashikon Önol.
Menaxhimi i burimeve ujore do të jetë gjithashtu kyç për rajonin, beson Önol, dhe parashikon thatësirë në muajt e verës në vitet në vijim.
Turqia është shumë e varur nga lëndët djegëse fosile. Sipas të dhënave zyrtare, rreth 34.6 për qind e energjisë elektrike është prodhuar nga qymyri në vitin 2022 dhe 22.2 për qind nga gazi natyror.
Özhaseki kujton se qëllimi i vendit është të arrijë normën zero deri në vitin 2053. /Katror.info
Përgatiti:
