Të përzgjedhurit e Lionel Scalonit fituan kundër Meksikës, në ndeshjen e dytë në Grupin C.
Ndeshja e zhvilluar dje në “Lusail Iconic Stadium” përfundoi me rezultatin 2:0.
Lionel Messi udhëhoqi “Albicelestet” drejt fitores, pasi shënoi golin e parë dhe asistoi te goli i dytë i shënuar Enzo Fernandez.
Mundesh me e lexu edhe…
Shtatë herë fituesi i “Topit të Artë” shënoi edhe një rekord në Kupën e Botës.
Përveçse ishte lojtari më i ri në moshë që ka shënuar dhe asistuar në një ndeshje të këtij turneu, Messi sonte u bë edhe lojtar më i vjetër që shënon dhe asiston në një ndeshje.
Si 18-vjeçar e 357 ditë, sulmuesi argjentinas kishte shënuar e asistuar kundër Serbisë, në Kupën e Botës të vitit 2006.
Kurse, dje Messi e regjistroi rekordin si 35-vjeçar e 155 ditë.
Gjithashtu, Messi ka barazuar dy rekorde të vendosura nga legjendari Diego Maradona në ndeshjen kundër Meksikës.
Messi zhvilloi ndeshjen e tij të 21-të në Kupën e Botës për Argjentinën, teksa udhëhoqi Albiceleste për të barazuar rekordin e Maradonës.
Pika historike vjen një ditë pas përvjetorit të vdekjes së Maradonës, kur një herë fituesi i Kupës së Botës vdiq dy vjet më parë, më 25 nëntor 2022.
35-vjeçari kaloi gjithashtu ish- bashkëlojtarin e Barcelonës dhe Argjentinës, Javier Mascherano, i cili më parë ishte i dyti me 20 paraqitje në skenën më të madhe të futbollit ndërkombëtar.
‘Pleshti’ po ashtu me golin e sotëm ka barazuar Maradonën edhe me numrin e golave në Kupat e Botës, pasi të dy kanë nga tetë gola.
Messi do të shpresojë të përsërisë rekordin e fundit të Maradonës duke fituar Kupën e Botës me Argjentinën në atë që ai ka pranuar se mund të jetë paraqitja e tij e fundit në këtë garë.
Lionel Messi postoi një homazh për Diego Maradona dy vjet pas vdekjes së tij, pavarësisht se u kritikua publikisht nga djali i ikonës së ndjerë.
Përgatiti:
