Rikthimi i prodhimit në njësinë biznesore “Minierat me Flotacion Kishnicë dhe Artanë”, shënon një kthesë të rëndësishme drejt ringjalljes së plotë të Trepçës dhe fuqizimit të pozitës së saj në industrinë minerare të vendit.
Pas një periudhe të gjatë, rikthehet prodhimi në njësinë biznesore “Minierat me Flotacion Kishnicë dhe Artanë”, duke shënuar një moment të rëndësishëm për punëtorët, për komunitetin dhe për vetë ndërmarrjen. Nëntoka e Kosovës konsiderohet pasuri gjigante e metaleve të çmuara që kanë ushqyer historinë industriale të vendit tonë. Minierat tona nuk janë galeri gurësh dhe dheut, ato janë korridore thesari të paçmuar të cilat presin të kthehen në motor të zhvillimit dhe prosperitetit ekonomik të vendit.
Flotimi i xehes nga miniera e Artanës realizohet në minierën e Kishnicës, nënvizon drejtori menaxhues, duke vënë në pah se proces realizohet varësisht kompleksitetit me përkushtim të minatorëve dhe stafit drejtues, që prodhimi vendor t`i kontribuojë ngritjes ekonomike dhe shtimit të krenarisë për cilësinë e xehes nga nëntoka e Kosovës.
Mundesh me e lexu edhe…
“Është goxha një vështirësi e madhe për momente si pasojë e investimeve në miniera në përgjithësoi po flas e sidomos në minierës së Artanës e të Kishnicës, ku është teknologjia e viteve të 50-ta 60-ta me të gjitha vështirësitë dhe të gjitha rreziqet në mungesë të investimeve jemi duke e bërë maksimumin edhe tu e qit në këtë rast si koncentrat si e shesim ne si produkt final”, tha Fatos Begu, drejtor ekzekutiv në Kishnicë, raporton RTKlive.
Mungesa e investimeve kapitale nëpër minierat e vendit, që nevojitet për ngritjen e cilësisë së prodhimit, në asnjë moment nuk zbehin përkushtimin e minatorëve.
“Ka nevojë për investime për me rritë kapacitetin e prodhimit, për me rritë produktivitetin, ka nevojë për me rritë fuqinë punëtore, fuqi punëtore është e stërvjetruar kemi punëtor me 64 vjet jena duke i shti në punë, kemi punëtor edhe më sëmundje kronike”, tha ai.
Pavarësisht sfidave, optimizmi rritet kur prodhimi shtohet falë minatorëve të cilët me djersën e tyre rrisin sasinë prodhimit të koncentratit të xehes të prodhimit vendor i cili i jep nam vendit tonë në cilindo treg të jashtëm me pietetin “E prodhuar në Kosovë”, pse jo edhe për nevoja të tregut të brendshëm./RTK/Katror.info
