Ish-kancelari Rishi Sunak u zgjodh Kryeministër i Britanisë, për të ndihmuar vendin që të dalë nga telashet në rritje, si ekonomike, ashtu edhe ato politike.
Në fillim të shtatorit, Sunak kishte humbur ngushtë garën për të udhëhequr Partinë Konservatore dhe për t’u bërë kryeministër. Liz Truss, nga e cila humbi Sunak, u detyrua të jepte dorëheqje, duke u bërë kryeministri britanik me mandatin më të shkurtër në histori dhe duke hapur rrugën për një garë të re kryesimi.
Ngritja e Sunak në krye të politikës britanike është një nga historitë më spektakolare “të thashë kështu” në politikën moderne. Gjatë garës për kryesim në gusht, zonja Truss fitoi anëtarët e partisë duke kujtuar periudhën e kryesimit të vendit nga Margaret Thatcher, duke premtuar një ekonomi të re dhe të rigjallëruar britanike. Për ta bërë këtë, ajo premtoi shkurtime gjithëpërfshirëse të tatimeve, së bashku me shpenzime të reja, që sipas saj do të nxisnin rritjen ekonomike, pa dëmtuar financat publike, shkruan The Wall Street Journal.
Sunak, një ish-bankier investimesh, i quajti planet e saj “ekonomi të përrallave”. Ai i tha BBC-së në atë kohë: “Planet e Liz-it po u premtojnë Tokën të gjithëve. Unë nuk mendoj se mund ta keni në dispozicion tortën tuaj dhe ta hani atë.” Ai paralajmëroi se plani i saj mund të përkeqësojë inflacionin dhe të shkaktojë një reagim të ashpër në tregjet financiare.
Disa javë më vonë, u dëshmua se Sunak kishte të drejtë, pasi planet e Truss nxitën një reagim të ashpër në tregje; Truss u detyrua të shkarkonte ministrin e Financave, të tërhiqej nga planet e saj dhe përfundimisht të jepte dorëheqjen. Tani Sunak do të ketë mundësinë të dëshmojë nëse mund ta bëjë më mirë.
Kush është Rishi Sunak?
Sunak, 42 vjeç, është kryeministri i parë britanik me rrënjë nga India. Gjyshërit e tij emigruan në vitet 1960 dhe janë me origjinë nga India. Nëna e tij drejtonte një farmaci në Anglinë jugore dhe babai i tij ishte mjek.
Sunak ndoqi shkollën private elitare britanike, Winchester dhe më pas vazhdoi të punojë për Goldman Sachs. Ishte duke punuar Stanford, kur takoi bashkëshorten e tij të ardhshme, Akshata Murty. Ajo është vajza e miliarderit indian, N. R. Narayana Murthy, krijuesi i Infosys Ltd. Sunak vlerësohet të jetë anëtari më i pasur i Parlamentit të Britanisë dhe kritikët thonë se ai është shumë i pasur sa për të joshur votuesit e klasës së mesme.
t’u bërë thirrje votuesve të klasës punëtore.
Sunak ishte shef i Thesarit në kohën e ish-kryeministrit Boris Johnson dhe shihet si politikan shumë më i aftë në politikën ekonomike, sesa fusha të tjera, duke përfshirë këtu edhe politikën e jashtme. Gjatë kohës së tij në Thesar, ai u pa si një pragmatist që mbikëqyri një program të madh shpenzimesh, për të ndihmuar bizneset të paguajnë për të liruar miliona punëtorë gjatë pandemisë Covid-19, për të parandaluar që punëtorët të humbin vendet e tyre të punës. Më pas ai ngriti gjithashtu tatimet, në përpjekje për të stabilizuar financat e qeverisë së Mbretërisë së Bashkuar.
Planet e tij ekonomike shihen si më pragmatike dhe më pak ideologjike se ato të zonjës Truss. Ai tha se Britania duhet së pari të zbusë inflacionin dhe të sigurojë që financat publike të jenë të qëndrueshme përpara se të shkurtojë taksat në përpjekje për të stimuluar rritjen. Ai ka përshkruar planet për të krijuar kushte për të nxitur investimet e biznesit në ekonomi.
Planet e tij ekonomike shihen si më pragmatike dhe më pak ideologjike se ato të Truss. Ai tha se Britania duhet së pari të zbusë inflacionin dhe të sigurojë që financat publike të jenë të qëndrueshme, përpara se të shkurtojë taksat, në përpjekje për të stimuluar rritjen. Ai ka përshkruar planet për të krijuar kushte për të nxitur investimet e biznesit në ekonomi.
Sunak mori detyrën në një kohë veçanërisht të vështirë për ekonominë e Britanisë, me një recesion në pritje dhe inflacion të lartë, zhvillime këto që janë një goditje e dyfishtë për njerëzit e thjeshtë. Gjithashtu, ky fakt e vendos atë në pozitë të vështirë, pasi që si njeri tejet e pasur, ai duhet të angazhohet për kufizim të shpenzimeve, me qëllim që të qetësojë investitorët e shqetësuar për financat e Mbretërisë së Bashkuar.
Ai ka të ngjarë të vazhdojë mbështetjen e fuqishme të qeverisë së Mbretërisë së Bashkuar për Ukrainën në luftën kundër pushtimit rus dhe Sunak qysh më herët kishte premtuar se udhëtimi i tij i parë i jashtë vendit do të ishte në kryeqytetin e Ukrainës, Kiev.
Megjithatë, ka dilema në lidhje me atë se a do të reduktoi ai shpenzimet ushtarake, me qëllim të mbushjes së buxhetit të Britanisë.
Në listën e të pasurve, të gazetës Sunday Times, pasuria e familjes së Sunak vlerësohet të jetë 730 milionë funte, apo 846 milionë dollarë.
Kjo pasuri e bën Sunakun një nga kryeministrat më të pasur në historinë e Britanisë dhe kjo pasuri e tij tashmë ka nxitur kritika nga opozita, e cila thotë se pasuria e tij e lë atë jashtë kontaktit me britanikët e zakonshëm, gjatë një kohe me dhimbje ekonomike, me vendin që vuan nga inflacioni i lartë. dhe një recesion të mundshëm. Shkurtimet e shpenzimeve vetëm sa do ta përkeqësojnë atë dhimbje./Katror.info