Rita Ora ka zbuluar se ajo donte të mbante në fshehtësi dasmën e saj me Taika Waititi sepse “gjithmonë çdo gjë që ka bërë e ka ndarë me publikun”.
Këngëtarja 33-vjeçare u martua me regjisorin në gusht të vitit 2022, por nuk e konfirmoi martesën deri në përvjetorin e tyre të parë vitin e kaluar, shkruan DailyMail.
Tani, Rita ka treguar për ES Magazine se miqtë e saj ishin të shqetësuar se mund të kishin humbur ditën e saj të madhe, pasi ajo dhe Taika zgjodhën të kishin vetëm tetë të ftuar në ceremoninë e tyre intime.
Mundesh me e lexu edhe…
“Kam qenë në sy të publikut për një kohë tani dhe gjithmonë kam dhënë gjithçka për ta. U ndjeva mirë të kem diçka që ishte sekrete për një kohë”.
“Shumë nga miqtë e mi thanë, ‘Oh Zot, e kemi humbur dasmën tënde’. “Unë u thashë se do të rregullonim diçka. Ndjeva qetësi – sepse jeta ime nuk është e qetë”, tha Ora.
Rita dhe Taika lidhën kurorë në një ceremoni të paplanifikuar në shtëpinë e tyre në Los Angeles që e planifikuan në vetëm dy javë. Ylli me origjinë shqiptare gjithashtu lë të kuptohet se ajo dhe Taika kanë diskutuar tashmë për të nisur krijimin e familjes, pasi blenë një shtëpi të dytë në vendin e origjinës së regjisorit, Zelandën e Re.
“Ndodh kur të ndodhë. Unë thjesht besoj në univers”, tha Ora.
Revista “Vogue” ndau një galeri të imazheve nga dita e madhe, me Ritën duke treguar se kishte veshur tri fustane të ndryshme nga dizajneri britanik Tom Ford, ndërsa ajo dhe Taika shkëmbyen betimet në shtëpinë e tyre në Los Angeles, pavarësisht raportimeve se ishin martuar kohë më parë në Londër.
“Ajo më propozoi mua, dhe unë thashë ‘po’ menjëherë”, ka thënë Taika.
Motra e Ritës, Elena, ishte shoqëruese e nuses, ndërsa miku më i mirë i Taikas, aktori Jermaine Clement, fluturoi nga Zelanda e Re për ceremoninë. Për ditën e saj të madhe, Rita veshi një fustan të bukur njëkrahësh me dantellë të bardhë, të kombinuar me takat e trasha.
Rita zbuloi se në ditën e dasmës kishte vendosur perlat e nënës së saj me fustanin e saj të dasmës, ndërsa Taika veshi një kostum nga marka “Brunello Cucinelli”.
Elena e shoqëroi motrën e saj në altar, ndërsa Taika ishte i shoqëruar nga dy vajzat e tij. Pas deklarimit si burrë e grua, të sapomartuarit shkuan në shtëpinë e mikut të tyre Guy Oseary për një darkë festive./Katror.info
Përgatiti:
