Dizajnerët e famshëm Roberto Cavalli dhe Valdrin Sahiti kanë bashkuar forcat për një shfaqje ekskluzive të modës në FMF 24 Weekend në Las Vegas.
Dy titanët e modës janë “përplasur” në Las Vegas, teksa kanë bashkuar forcat për një ekspozitë ekskluzive në fundjavën e shumëpritur FMF 24, që u mbajt në datat 21 – 23 Mars 2024. Të njohur për inovacionin, elegancën dhe dizajnet e tyre që shtyjnë kufijtë, këta dy stilistë ikonë ndriçuan pistën me një shfaqje magjepsëse të modës së lartë në W.A.T.C.H. (We Are The Culture…Hello) Fashion show, shkruan Beauty Magazine.
Bashkëpunimi mes Roberto Cavalli, maestros italian sinonim i luksit, dhe disenjatorit kosovar Valdrin Sahitit, i njohur për pamjen e tij në tapetin e kuq, duke përfshirë mjeshtërinë e tij të ndërlikuar dhe estetikën moderne, sollën botën e modës në shtetin e argjendtë. Me pjesë të papara nga të dy koleksionet, kjo ngjarje ka sjell një shkrirje të magjepsjes tradicionale dhe stilit bashkëkohor, duke kulmuar në një mbrëmje plot shkëlqim, percjell KultPlus.
Mundesh me e lexu edhe…
FMF 24 Weekend, i njohur për festimin e modës, muzikës, filmit dhe kulturës, ofroi një skenën perfekte që Cavalli dhe Sahiti të zbulojnë kryeveprat e tyre më të fundit. E mbajtur në Palms Casino Resort, kjo ngjarje prestigjioze ka tërhequr shumë njerëz nga kjo industri, të famshëm dhe entuziastë të modës nga e gjithë bota./Katror.info
Përgatiti:
