Aktori që na ka bërë aq shumë të qeshim në rolet komike në filmat e Monty Python Eric Idle është një i mbijetuar.
Në javën e kaluar ai rrëfeu publikisht se është shëruar nga kanceri i pankreasit, tri vjet pasi që u diagnostifikua.
Ekipi i tij mjekësor i tha se falë diagnozës së hershme dhe operacionit, ai ka të ngjarë të jetë edhe për një kohë të gjatë mes nesh, shkruan The Guardian.
Mundesh me e lexu edhe...
Idle i ka dashur gjithmonë ironitë e tij. Dhe për këtë askush nuk ia kalon. Rreth 15 vjet më parë ai filloi të punonte për një projekt të quajtur “Vdekja”(Death:Musical). Muzikali u bë obsesioni i tij, edhe pse shumë njerëz i thanë se nuk do të funksionojë.
Skenari ishte i thjeshtë – një burrë që shkruan muzikalin zbulon se po vdes.
Idle kërkoi këshilla nga mjeku i tij. “Unë thashë: ‘Cila është mënyra më e shpejtë për të hequr qafe një personazh?’ dhe ai më tha: ‘Kanceri i pankreasit.’
“Ky është i njëjti mjek që përfundoi duke më diagnostikuar edhe në jetën reale. Ky ishte skenar i ndyrë! Kështu që më duhej të qeshja. Dhe kur bëhet fjalë për veten tënde është edhe më qesharake,” rrëfen Idle.
A ka qarë në të vërtetë kur u diagnostifikua me kancer.
“Kam qarë kur e kam kuptuar se do të jetoj.”
Mbase Idle është më së shumti i njohur me këngën e famshme Always Look on the Bright Side of Life, të shkruar nga ai dhe kënduar nga karakteri Mr Cheeky në filmin e Python “Life of Brian.”
Vetëm pasi mori lajmin e mirë të fundit nga mjeku i tij, Idle foli publikisht në lidhje me kancerin, duke lansuar fondin “Bright Side Fund.”
Ai vendosi se ishte koha për të bërë fushatë, për t’u thënë njerëzve se ka shpresë.
“Kjo është arsyeja pse fola publikisht për këtë. Doja t’ju thoja të gjithëve: ‘Shiko, isha shumë me fat dhe mbijetova. Dhe kjo vlen edhe për juve.’ Kam dëgjuar nga kaq shumë njerëz të thonë se sa e rëndësishme është kjo për ta. Kjo më bën të qaj,” shprehet Iddle duke gëlltitur lotët.
“Më thoni nëse ekziston një këngë më e përshtatshme për mua sesa ‘Always Look on the Bright Side of Life”.
Përgatiti:
