“Tailor Beadini” është brendi i rrobaqepësit profesionist nga Cyrihu Hamza Beadini, që ju dhuron jo vetëm një kostum të bukur por edhe stil të veçantë që ju dallon nga të tjerët.
Profesioni i rrobaqepësit konsiderohet një profesion fisnik dhe gëzon reputacion të madh në gjithë botën. Ky profesion përbëhet nga detaje të shumta dhe si i tillë konsiderohet një fushë pune tejet krijuese.
Të dish të dizajnosh dhe krijosh veshje është art në vete. Mjeshtrinë e krijimit të veshjeve, Hamza Beadini e kishte filluar që i ri, ai këtë mjeshtri e kishte pasion, dashuri të cilën e bëri profesion të jetës së tij.
Mundesh me e lexu edhe...
Hamza Beadini, që i ri i ishte përkushtuar profesionit të rrobaqepësit, këtij profesioni fisnik. Tekstilin dhe krijimet me gërshërë, ai i donte shumë, punë të cilës ju përkushtua me shumë zell, duke ndjekur kështu edhe shkollën teknike të tekstilit në vendlindjen e tij, në Tetovë. Që nga ajo kohë ai i qëndroi besnik profesionit, duke punuar në këtë zanat për shumë vite në vendin prej nga vinte. Siç tregon për albinfo.ch, z.Beadini, që nga viti 1985 ushtron këtë zanat së bashku me vëllain e tij në vendin e tij të lindjes, në Tetovë. “Kam punuar në këtë profesion që nga viti 1985, se bashku me vëllain tim, kemi krijuar biznesin tonë familjar, duke qenë rrobaqepës të suksesshëm dhe shumë të kërkuar”, tregon ai.
Ishte viti 1995 kur rrobaqepësi Beadini vendosi të linte vendin e tij, për të filluar një jetë të re në Zvicër. Ai me vete mori gjithë përvojën dhe përkushtimin në punë, gjë që për të cilën nuk pati vështërsi për të filluar këtë punë në një shoqëri të re, siç ishte Zvicra. Për 13 vite punoi si rrobaqepës në njërën nga qendrat tregtare më të mëdha dhe më të njohur në Cyrih. Duke plotësuar dëshirat e klientëve për përshtatje si në prerje, qepje, zgjerime etj., puna e rrobaqepësit nga Cyrihu u vlerësua si shumë profesionale, duke bërë që klientët të ishin tejet të kënaqur.
“Për mua nuk ka pasur vështirësi të përshtatem në kulturën zvicerane, kjo falë përvojës së gjatë dhe punës profesionale dhe kualitetit që unë ofroj. Puna ime ka qenë e kërkuar nga klientë të shumët për vite” thotë ai për albinfo.ch
Pas disa vitesh pune, ishte koha që zanatliu nga Tetova të fillonte të mendonte që ëndrrën e tij ta bënte realitet. E ëndrra e tij ishte që ai një ditë të kishte markën e tij personale. Kishte kërkesa edhe nga klientët e shumtë që të kishte atelenë e tij të kostumeve. „Ishin klientët që më mbajtën dhe më rriten. Kualiteti dhe puna ime me shumë kompani të mëdha dhe serioze në Zvicër bëri që unë të vendos të hapja sallonin tim të rrobaqepësisë“, shprehet për albinfo.ch Hamza Beadini.
Ishte viti 2012 kur rrobaqepësi vendosi që përvojën e tij shumëvjeçare ta “përkthente” në markën e tij personale, duke hapur biznesin e tij të pavarur “Beadini Schneiderei”, i vendosur në qendër të komunës Opfikon të Cyrihut, ku ai plotëson kërkesat e shumta të klientëve të tij.
Tani janë bërë 10 vite që kur ai ka hapur atelienë e tij në Cyrih, në një zonë shumë afër Aeroportit te Cyrihut. Përveç qepjes së kostumeve për meshkuj, “Beadini Schneiderei” ofron edhe shumë shërbime të tjera si qepje të perdeve dhe çdo gjë që ka të bëjë me tekstilin.
Beadini Schneiderei, me brendin e tij “Tailor Beadini”, shoqëron klientët nga fillimi deri në fund. Produktet e “Beadini Schneidere”, janë jo vetëm unike por edhe të përballueshme për tregun zviceran. Ai kujdeset për kostumin tuaj, që nga pëlhura me cilësi të lartë deri te dizajni individual i kostumit tuaj.
Kompetenca kryesore e “Beadini Schneidere” është të përcaktojmë përshtatjen në trup. “Unë e dua modën dhe dua që të gjithë ta duan modën gjithashtu. Është e rëndësishme për mua që ju të dini se veshja juaj është gjithmonë në duar të rrobaqepësit profesionist” shprehet z.Beadini, përcjellë albinfo.ch/Katror.info
Përgatiti:
