Themeluesi i kompanisë Anduril, Palmer Luckey, konfirmoi për Bloomberg se Departamenti Amerikan i Mbrojtjes, planifikon të fillojë përdorimin e një droni të quajtur Roadrunner nga viti 2024.
Bëhet fjalë për një dron me motor reaktiv, i cili kontrollohet nga inteligjenca artificiale dhe përfaqëson një risi në industrinë e dronëve. Ai vepron si një përgjues ajror që mund të kthehet në bazë nëse humbet objektivin ose nëse misioni ndërpritet.
Roadrunner është një UAV interesant që ka një rol të shumëfishtë, mund të rrëzojë raketa dhe dronë të tjerë, por edhe të kryejë misione zbulimi. Ai u cilësua si një “fluturake autonome me dy motorë reaktivë”, ndërsa mediat e quajtën “dron vrasës” dhe “një kombinim i ri i dronit, bombës dhe bumerangut me teknologjinë inteligjencës artificiale”.
Mundesh me e lexu edhe...
Droni është 1.8 metra i gjatë, ngrihet dhe ulet vertikalisht dhe mund të shpërthejë vetë si një raketë e drejtuar.
Nëse humbet objektivin, kthehet në vendin e nisjes, për këtë arsye krahasohet me një bumerang.
Palmer njoftoi se Roadrunner së shpejti do të jetë në përdorim.
Ky dron është i lidhur edhe me Ukrainën ndërsa vetë Palmer tha se dronët janë kyç në strategjinë e të dyja palëve. Kur u pyet drejtpërdrejt nëse Roadrunner do të ishte në Ukrainë, ai u përgjigj se është “e ndërlikuar” dhe se për këtë vendos qeveria amerikane dhe disa faktorë të tjerë.
Anduril ka klientë të tjerë të interesuar jashtë SHBA-së për dronin e saj të ri, duke përfshirë vendet evropiane si Britania e Madhe. /Katror.info
Përgatiti:
