Qindra jetë do të mund të shpëtohen në mbarë botën, pasi shkencëtarët shëndetësorë kanë zbuluar një sistem të ri të grupit të gjakut, duke zgjedhur kështu një mister 50 vjet të vjetër.
Ekipi i shkencëtarëve, të udhëhequr nga NHS Blood and Transplant (NHSBT), në Gloucestershire jugor dhe të mbështetur nga Universiteti i Bristolit, gjetën një grup gjaku që quhet MAL, shkruan BBC, përcjell Koha.net.
Ata identifikuan të dhënat gjenetike, që që më parë njiheshin si grupi antigjen i gjakut AnWj, i cili ishte zbuluar në vitin 1972 ndërkohë që mbeti i panjohur deri më tash, kur u zhvillua testi i parë në botë për të.
Shkencëtarja udhëheqëse e studimit, Louise Tilley, ka thënë se ky zbulim do të thotë se do të mund të ofrohet kujdes më i mirë ndaj pacientëve të rrallë që do të kenë nevojë për këtë antigjen.
Tilley, e cila ka punuar në këtë projekt për 20 vjet, i ka thënë BBC-së se është mjaft e vështirë të përcaktohet numri i pacientëve të cilët do të mund të kenë nevoje për këtë test.
Sidoqoftë NHSBT është mundësia e fundit për 400 pacientë nga mbarë bota për çdo vit.
Secili njeri ka proteina jashtë qelizave të kuqe të gjakut, të cilat njihen si antigjene, por një numër i vogël i njerëzve mund të mos i kenë dhe do të mund të kenë nevojë për to.
Duke përdorur testet gjenetike, laboratori i NHSBT -it, International Blood group Reference, në Filton, ka zhvilluar për herë të parë një lloj testi që do të mund të identifikojë pacientët që nuk e kanë këtë antigjen.
Testi do të mund të jetë jetëshpëtues për ata persona, organizmi i të cilëve reagon kundër transfuzionit të gjakut dhe do të mund të ndihmojnë në gjetjen e personave që e zhvillojnë këtë grup të rrallë të gjakut.
Philip Brown, i cili punon në laborator, ishte diagnostikuar me një formë të leukemisë rreth 20 vjet më parë. Ai bëri transfuzion të gjakut dhe transplantim të palcës, pa të cilat ai do të kishte vdekur.
“Çdo gjë që mund të bëjmë për ta bërë gjakun tonë më të sigurt dhe më të përshtatshëm për pacientët në nevojë është hap në drejtimin e duhur”, ka thënë ai.
Drejtoresha e laboratorit, Nicole Thornton, ka thënë se zgjidhja e gjenetikës bazike për AnWj ishte një nga projektet më sfiduese.
“Bëhet shumë punë për sigurimin e gjenit që në të vërtetë ka të koduar në vete një antigjen të grupit të gjakut, por e bëjmë me pasion që t’i bëjmë këto zbulime për ata persona të rrallë në mbarë botën që kanë nevojë për këtë antigjen”, ka thënë Thornton.
Ajo ka shtuar se tash testi gjenetik mund të dizajnohet në mënyrë të që identifikojë gjenetikisht personat që janë AnWj- negativë dhe ata që do të mund të jenë donator të këtij gjeni.
“Jo vetëm që e krijuan testin e parë në botë të këtij lloji, por edhe do të sigurojnë antitrupa në vende të ndryshme të botës në mënyrë që të vazhdojnë studimet”, ka thënë gazetari i shëndetësisë së BBC-së, Matthew Hill.
Ai ndër të tjera ka thënë se ishte e lehtë të kuptohej rëndësia ndërkombëtare e NHSBT në Filton.
Thornton ka thënë se tash do të mund të dërgohen mostrat e gjakut, mbi të cilat është punuar, për shqyrtim nga NHSBT.
“Dhe këtu vijën rastet interesante. Kemi punë të reja për të bërë dhe mendojmë se kjo gjë do të çojë në disa antigjene të reja në sistemet aktuale të gjakut përveç atij që sapo e publikuam”, ka thënë ndër të tjera ajo. /Katror.info
Përgatiti:
