Shkencëtarët japonezë pretendojnë se kanë zbuluar kurën më të mirë për pagjumësinë.
Britanikët kanë arritur në përfundimin se problemet e tyre me pagjumësinë po shkaktojnë humbje për shkak të produktivitetit më të ulët. E ndërsa interneti është plot me këshilla për gjumë më të mirë, njëra prej tyre u vu në provë për të parë efektivitetin e saj.
Miliona njerëz që vuajnë nga pagjumësia pohojnë se një banjë e nxehtë i ndihmon ata si ilaç për të rënë në gjumë dhe shkencëtarët kanë përcaktuar se çfarë intervali kohor është i nevojshëm që banja të jetë efektive. Nëse kaloni 15 minuta në një banjë të nxehtë, patjetër që do ta vini re këtë efekt.
Dushi ose larja për më pak se 15 minuta nuk kanë të njëjtin efekt, dhe shkencëtarët nga Universiteti Kyushu matën cilësinë e gjumit te 23 burra dhe gra.
Rezultatet tregojnë se banja jo vetëm që ju ndihmon të bini në gjumë, por edhe do të zgjoheni më pak gjatë natës. Është vërtetuar se një në tre persona në Mbretërinë e Bashkuar ka një problem me pagjumësinë dhe NHS shpërndan çdo vit pilula gjumi me vlerë rreth 50 milionë funte.
Hulumtimi tregon se atyre që kaluan 15 minuta në banjë iu deshën vetëm 12 minuta për të rënë në gjumë, ndërsa atyre që bënin një dush të shkurtër u deshën mbi 20 minuta për të fjetur./Katror.info