Ambasadori i Mbretërisë së Bashkuar në Kosovë, Jonathan Hargreaves, ka pritur në Rezidencën Britanike një grup organizatash të shoqërisë civile për të diskutuar gjendjen aktuale të demokracisë në vend.
Gjatë takimit, ambasadori Hargreaves shprehu mirënjohje për kontributin dhe ekspertizën e organizatave joqeveritare, duke e vlerësuar rolin e tyre si thelbësor në nxitjen e llogaridhënies politike dhe mbrojtjen e vlerave demokratike.
Ai theksoi po ashtu rëndësinë e angazhimit të shoqërisë civile në tejkalimin e bllokimit aktual politik dhe në nxitjen e formimit të një Kuvendi funksional dhe një qeverie të re që do të adresojë çështjet më urgjente për qytetarët e Kosovës.
Mundesh me e lexu edhe…
Takimi u zhvillua në një kohë kur vendi përballet me sfida të ndjeshme institucionale, ndërsa pritet që bashkëpunimi mes akterëve vendorë dhe partnerëve ndërkombëtarë të luajë një rol kyç në rikthimin e stabilitetit politik dhe institucional./Katror.info
