I planifikuar për fillim në vitin 2020, por që për shkak të gjendjes pandemike të gjitha aktivitetet kulturore dhe sportive ishin anuluar, Zürich Shqip Up Comedy Festival do të shohë dritën në nëntor të këtij viti.
Edicioni i parë i Festivalit të Stand Up Komedisë që pritet të jetë një ngjarje e madhe kulturore do të mbahet më 19 nëntor. Moderimi do të bëhet nga aktori i famshëm kosovar dhe shoumeni Fatmir Spahiu, së bashku me modelen dhe gazetaren Alisa Buzhala.
Aktorët tjerë me emër në fushën e Stand Up komedisë që do të marrin pjesë janë: Avni Shkodra, Ernest Zymberi, Artan Ibishi, Kushtrim Qerimi, Hasim Memishi – Sopi, ndërsa Olivia isch Programm do të performojë në gjuhën gjermane.
Ndërsa, për relaksin pas të qeshurave, mbrëmja më pas do të përcillet edhe me muzikë cilësore nga trioja e famshme nga Kosova ‘ Dont listen to your Neighbours»
Festival i Stand Up Comedy-s, në Cyrih të Zvicrës është unik jo vetëm në diasporë por edhe në të gjitha viset shqiptare.
Qëllimi i këtij festivali është që të mbledhë sa më shumë artistë nga Kosova, Shqipëria, Maqedonia dhe të gjitha vendet ku jetojnë shqiptarët, duke përfshirë edhe Diasporën, që së bashku të krijohet një festë artistike në Cyrih, qytet ky, në të cilin jetojnë më së shumti shqiptarë krahasuar me qytetet e tjera të diasporës.
Projekti i Zürich Shqip Up Comedy Festival organizohet nga Organizata Kulturore PLAN K në bashkëpunim me PLAN B dhe si i tillë është përkrahur edhe nga Ministria e Punëve të Jashtme dhe Diasporë e Republikës së Kosovës, si dhe nga biznese të komunitetit shqiptar në Zvicër. /Katror.info
Përgatiti:
