Rreth 3 mijë pensionistë italianë tashmë janë vendosur në Shqipëri, kryesisht në Tiranë, Durrës dhe Vlorë. Të dhënat zyrtare nga institucionet italo-shqiptare tregojnë një rritje të numrit të pensionistëve italianë në Shqipëri.
Sipas ekspertëve të ekonomisë, zgjedhja e Shqipërisë nga kjo grupmoshë vjen për disa arsye, dhe më kryesorja përfitimi ekonomik që vetë këta shtetas kanë.
Klodian Muço, ekspert ekonomie thotë se aktualisht në Shqipëri jetojnë rreth 20 mijë italianë, nga të cilët rreth 3 mijë janë pensionistë italianë që kanë vendosur të transferohen përfundimisht në Shqipëri. Sipas tij, ata heqin dorë nga përfitimi i pensionit në Itali, duke paguar sigurimet shëndetësore në Itali dhe shërbimin shëndetësor falas në Itali, raporton Tv Klan.
Mundesh me e lexu edhe…
“Ky pensionist që e ka pensionin bruto 1500 në Itali dhe vendos të transferohet në Shqipëri duke hequr dorë nga sigurimi shëndetësor italian, ai merr pensionin 100% bruto, pra në Shqipëri përfiton pension 1500 Euro nga 1150 Euro që do përfitonte në Itali”, thotë Muço.
Në rastin e Shqipërisë, vendi përfiton 3 milionë Euro në muaj që qarkullohet në treg, si dhe në rritjen e punësimit.
“Mimimalisht këta perfitojnë 1 mijë Euro në muaj. Janë 3 mln Euro që vijnë çdo muaj në Shqipëri që shpenzohen nga këto persona. Një pjesë e mirë e tyre i shtohet konsumit në Shqipëri. Një pjesë tjetër e tyre vendosin që të punësojnë asistentë pastrues duke ndikuar pozitivisht dhe në rritjen e punësimit në Shqipëri, edhe në pjesën e qirave sepse një pjesë e tyre marrin shtëpi me qira”, tha Muço.
Sipas ekspertëve, ky fenomen nuk është vetëm italo-shqiptar, pasi edhe vendet e tjera e kanë aplikuar.
“Ky nuk është fenomen vetëm shqiptar, pasi pensionistët gjerman, apo francez vendosnin të kalonin jetën në Spanjë dhe Portugali, tani edhe drejt Rumanisë, Bullgarisë dhe Shqiprisë.”
Zgjedhja e Shqipërisë nga pensionistët italianë vjen edhe si rezultat i klimës . Jo vetëm kjo shtresë, por edhe mjaft turistë të tjerë po zgjedhin Shqipërinë edhe për turizëm dentar./Katror.info
Përgatiti:
