Është vërtetuar shkencërisht se lideri i Queen, Freddie Mercury ishte këngëtari më i madh i të gjitha kohërave. Mercury ishte mjeshtër i vërtetë i akordeve të tij vokale.
Janë dëgjuar një sërë teorish rreth asaj çka e bëri zërin e këngëtarit aq të veçantë, si vargu i tij vokal me katër oktave ose se si dhëmbët shtesë i dhanë atij mbivendosje të veçantë, duke i shërbyer për të përmirësuar cilësinë e të kënduarit.
Dhe një grup shkencëtarësh austriakë, çekë dhe suedezë u mblodhën së bashku për të realizuar studimin, i cili u botua në Logopedics Phoniatrics Vocology dhe zbuloi disa fakte interesante rreth njeriut legjendar.
Sipas studimit nëse krahasohet “Crazy Little Thing Called Love” me “We Are the Champions”, pothuajse tingëllon sikur po e këndojnë dy këngëtarë të ndryshëm. Dhe Freddie kishte gamë të jashtëzakonshme, nga bas deri në tenorin më të lartë.
Studiuesit bënë një analizë akustike të zërit Mercury dhe zbuluan se vibratoja e tij ishte vërtet e ndryshme nga ajo e këngëtarëve të operas. Ata thanë se vibratoja e këngëtarëve të operas qëndron në rreth 5.5 deri në 5.6 Hz. Por vibracioni i liderit të Queen kishte frekuencë shumë më të lartë rreth 7.0 Hz.
Më poshtë mund të lexoni disa fakte tjera për këngëtarin Freddie Mercury.
Bohemiian Rapsody- Një histori e shekullit rreth traumave të Freddie-t
Freddie e shkruajti këtë këngë në 1975 dhe në atë kohë “Bohemian Rapsody” u konsiderua kënga më e gjatë e regjistruar ndonjëherë. Kënga zuri vend në albumin e katërt të grupit, A Night at the Opera. Mediat e huaja shkruanin në atë kohë që kënga në të vërtetë fliste për traumat që këngëtari kishte përjetuar në fëmijëri.
Festat deri në mëngjes me Princeshën Diana
Thuhej se princeshë Diana takohej me Freddien dhe ekipin e tij gjatë kohës kur kishte probleme martesore me princin Charles. Duke parë atë të trishtuar, Freddie i kishte thënë Dianës: “Eja e dashur, dil dhe argëtohu pak”. Pasi ishte e pamundur që Diana të vizitonte klubet e natës, Freddie ishte ai që i kishte sugjeruar që princesha të maskohej si burrë dhe të dilte në klubet për personat gay. Diana e pranoi idenë me entuziazëm, dhe u gëzua veçanërisht me “lirinë” që fitoi ngase mund të argëtohej si çdo person i zakonshëm.
Pse nuk donte të dihej varri i tij?
Në testamentin e tij, Freddie në vullnetin e tij të fundit e detyroi ish-të fejuarën e tij Mary Austin që të kujdesej për hirin dhe kurrë të mos tregonte publikisht atë që kishte bërë me urnë. Në fillim të këtij viti, një pllakë u zbulua në Varrezat e West London: “Në kujtim të Farok Balsar. Unë gjithmonë do të jem me ju me dashurinë time. M”. Ende, askush nuk ka konfirmuar zyrtarisht se urna e muzikantit legjendar ndodhet poshtë pllakës.
Freddie nuk ka asnjë përmendore në Londër
Ndikimi i tij vihet ende në diskutim në publikun britanik. Konservatorët mohojnë rëndësinë e tij, kryesisht për shkak të zgjedhjeve private dhe mënyrës së jetesës. Edhe pse adhuruesit e tij janë përpjekur të ngrenë një monument në Londër për vite me radhë, kjo ende nuk ka ndodhur. Busti i tij përkujtimor ndodhet në Zvicër, në qytetin Montreux, i cili është bërë një vend pelegrinazhi për tifozët e Freddie dhe grupin Queen.
Koncerti për Guinness
Gjysmë viti pas vdekjes së Freddie, grupi organizoi një koncert në stadiumin Wembley të Londrës. Të gjitha të ardhurat shkuan për bamirësi për një organizatë në luftën kundër AIDS, Fondi “Mercury Phoenix”. Koncerti është në Librin e Rekordeve Guinness dhe konsiderohet të jetë koncerti më i madh bamirës rock ndonjëherë.
Ai ishte tejet i turpshëm
Edhe pse ai ishte i njohur për performancën e tij të egër dhe “skandaloze”, shumë njerëz që e njihnin Merkurin personalisht thonë që ai ishte shumë i turpshëm, kjo është një nga arsyet që ai rrallë paraqitej në intervista.
Para se të bëhej yll rocku, punonte në aeroport
Shumë kohë para se të bëhej një nga këngëtarët më ikonikë në historinë e muzikës, Freddie nxirrte jetesën duke punuar në aeroportin Heathroë të Londrës. /Katror.info
Përgatiti:
