Situata mes Ukrainës dhe Rusia ka shtyer Evropën të mendojë më shumë sa i përket karburanteve fosile të importuara. Objektivat e dekarbonizimit dhe zhvendosja në energjinë e ripërtëritëshme janë rritur në disa vende të Bashkimit Evropian (BE), si pasojë e kësaj situate.
Blloku si i tërë shpreson tani të arrijë 82 përqind të energjisë së pastër deri në 2030. Por disa shtete të BE po përshpejtojnë ndërprerjet e karburantit fosil, duke kërkuar të arrijnë 100 përqind energji të pastër deri në fund të dekadës, sipas bjektivave të energjisë të centralit të energjisë ‘Ember’ në BE.
Lexo më poshtë shtetet e BE-së që synojnë të kalojnë në 100% energji të pastër deri në vitin 2030.
Portugalia
Në prill të këtij viti, Portugalia njoftoi se po përshpejtonte tranzicionin e saj të energjisë, duke synuar të rrisë proporcionin e energjisë së prodhuar nga rinovuesit në vend në 80 përqind deri në vitin 2026 – katër vjet më herët se sa ishte planifikuar më parë. Ajo tashmë merr 60 përqind të elektricitetit të saj nga burime të pastra – një nga më të lartat në Evropë.
Portugalia nuk është varur historikisht nga gazi rus si shumë vende të tjera evropiane, duke u mbështetur në vend të kësaj në importet nga Nigeria dhe SHBA. Gjithashtu, në fund të vitit 2021,qymyrguri u bë i lire pasi mbylli centralin e fundit me qymyrguri.
Ndërmarrja më e madhe e shërbimeve atje ‘EDP’ po synon të ofrojë 100 përqind energji tër ipërtëritëshme deri në fund të dekadës. E gjithë kjo e vë Portugalinë në udhën e duhur për t’u liruar nga karburanti fosil deri në vitin 2030, sipas Ember.
Holanda
Sipas studimit të botuar nga ekspertët e industrisë Oliver Uajman gjatë vitit, Hollanda po kryeson tranzicionin energjitik të Evropës. Prodhimi i energjisë së erës në det do të dyfishohet deri në fund të dekadës me një qëllim për 150 GW të prodhimit të energjisë elektrike në Detin e Veriut deri në vitin 2050 – mjaftueshëm për të furnizuar me energji 230 milionë shtëpi evropiane.
Ndonse vendi synon për 100 përqind energji të pastër deri në 2030, jo e gjitha kjo do të jetë nga të ripërtëritëshmet. Hollanda ka ende një objektiv të lartë të energjisë së ripërtëritëshme prej 97 përqind deri në fund të dekadës.
Danimarka
Qeveria daneze është ende duke planifikuar të përfundojë plotësisht gazin natyror dhe katërfishimin e prodhimit të energjisë diellore dhe të erës. Ndonse prodhimi i gazit natyror mund të rritet në afat të shkurtër për të ndihmuar Evropën të tërhiqet më shpejtë nga karburantet fosile ruse, vendi thotë se planet për t’i dhënë fund prodhimit në afat të gjatë nuk kanë ndryshuar.
Duke rritur energjinë e prodhuar nga burime të pastra, Danimarka shpreson gjithashtu të bëhet një eksportues i energjisë së ripërtëritshme. Deri më 2030, vendi synon për 100 përqind prodhim të energjisë së ripërtëritëshme.
Austria
Në vitin 2021, Parlamenti Kombëtar Austriak paraqiti Aktin e Zgjerimit të Burimeve të Ripërtëritshme të Energjisë (EAG), i cili vuri objektivin që vendi të përdorë 100 përqind elektricitet të ripërtëritshëm deri në 2030.
Rreth €260 milion investime do të bëhen në një milion çati që do të prodhojnë elektricitet diellor dhe një rritje në energjinë e erës. Qeveria planifikon të ndajë grante të posaçme për të mbështetur teknologjitë e pastra me €1 miliard, të cilat do të investohen çdo vit në zgjerimin e ripërtëritëshmeve deri në vitin 2030./Katror.info
Përgatiti:
