Si t’i mbroni sytë nga telefoni? Kalojmë gjithnjë e më shumë kohë përpara një ekrani. Ai i smartphone, i kompjuterit, tabletit ose TV-së. Shikimi vihet veçanërisht në provë. Për këtë ne duhet të sigurohemi që ta mbrojmë atë.
Ne kalojmë shumë orë përpara një ekrani që mund të shkaktojë dëme në shikimin tonë. Ekspozimi ndaj dritës blu, shikimi i zgjatur nga shumë pranë dhe faktorë të tjerë gjithashtu ka të ngjarë të ndikojnë në shëndetin e syve.
Francesco Carones, okulist dhe drejtor mjekësor si edhe CEO i Carones Vision në Milano, zbulon se teknologjia ka një ndikim të rëndësishëm tek sytë.
Mundesh me e lexu edhe...
‘Aktiviteti i zgjatur nga afër është në gjendje të favorizojë zhvillimin dhe përkeqësimin e miopisë. E njëjta gjë ndodh në rast të mungesës së aktiviteteve në natyrë: kjo është arsyeja pse rekomandimi për shumë të rinj është që të alternojnë aktivitete nga afër dhe të tjerë nga larg, sa më shumë që të jetë e mundur në natyrë,’ thotë Carones.
- Rregulli 20/20/20
Një nga mënyrat më praktike për të mbrojtur sytë nga ekranet e kompjuterit është rregulli 20/20/20. Funksionon kështu: për çdo 20 minuta që kaloni duke ngulur sytë në një ekran, duhet të shikoni diçka të paktën 20 metra larg për 20 sekonda drejt. Kjo u siguron syve tuaj një pushim shumë të nevojshëm.
- Rregulloni ndriçimin
Nëse jeni duke punuar nga shtëpia ose në zyrë, sigurohuni që ambienti juaj të jetë i ndriçuar siç duhet.
- Ekzaminime të rregullta të syve
Një ekzaminim i rregullt i syve mund t’ju ndihmojë të përballoni çdo gjendje ose problem të syve nga të cilat mund të vuani.
- Ekrane me rezolucion të lartë
Ekranet tipike me të cilat merreni sot ofrojnë shpejtësi rifreskimi prej 75 Hz ose më shumë. Sa më i lartë aq më mirë. Për më tepër, ekranet me rezolucion më të lartë duken më të gjallë. Kur nuk mund t’i shihni pikselët, sytë tuaj nuk punojnë aq shumë për të kuptuar imazhet para jush.
- Përdorni lot artificial
Një nga mënyrat më të mira për të trajtuar problemin e tendosjes së syve është me lot artificial, si një mënyrë efektive për të mbajtur sytë tuaj të freskuar. Disa lot artificial vijnë me konservues dhe disa pa, kështu që mund t’ju duhet të provoni disa para se të gjeni atë më të mirën për ju.
- Higjena e syve
Nëse përdorni kompjuterin më shumë se katër orë në ditë, është më mirë të përdorni lentet blu anti-rrezatuese, por edhe shumë pushime, duke dalë herë pas here jashtë. Le të kujtojmë që të rrahim qepallat e syve sa më shpesh, sepse vetëm në këtë mënyrë mund t’i pushojmë si duhet sytë.
Dhe në fund, mos harroni të bëni më shumë kontrolle: ato kërkohen për 3, 6, 12 dhe 18 vjeç. Pastaj çdo 4-5 vjet. Dhe pas moshës 45 vjeç, çdo 2 vjet.
Përgatiti:
