Vjeshta është periudha e duhur për të fotografuar dhe ky mund të jetë një aktivitet shumë argëtues. Është gjithashtu sezoni i përsosur për të përmirësuar aftësitë tuaja në fotografi dhe për të tërhequr vëmendjen e ndjekësve në rrjetet sociale. Lexo më poshtë disa këshilla se si të realizoni foto perfekte me ndihmën e smartphone.
Mos harroni “Golden Hour”
Mund të duket si një këshillë e zakonshme, por ka një arsye speciale se pse përpara perëndimit të diellit ose përpara lindjes së diellit është koha e përsosur për të bërë fotografi. “Golden Hour” është miku juaj më i mirë në vjeshtë pasi gjethet duken shumëngjyrëshe dhe do të jetë më e lehtë për të punuar me dritën.
Pse? Gjthçka lidhet me përputhjen e paleteve. Kur gjethet e panjës, elmit dhe lisit që shushurisin rreth jush janë tashmë në nuanca të ndryshme të së artës, drita pranë perëndimit të diellit thellon ngjyrat e tyre në mënyrë të natyrshme – pa pasur nevojë për filtra.
Realizoni portretin perfekt të vjeshtës
Vjeshta është periudha ideale për të bërë një fotografi të dikujt që e doni. Por nëse jeni duke xhiruar një person të dashur apo një kafshë shtëpiake, ka disa gjëra që mund të bëni për t’i bërë portretet tuaja të vjeshtës më magjike.
Së pari, bëhuni kreativ me mënyrën se si e poziciononi objektivin tuaj në sfondin natyral të sezonit. Për shembull, lërini të shtrihen në një grumbull gjethesh ose vendosni një degë me gjethe ndërmjet personit që po fotografoni dhe kamerës për të theksuar ngjyrat e veshjes së tyre.
E për sa i përket veshjes sugjerohet diçka shumëngjyrëshe dhe e ndritshme në mënyrë që të ketë një kontrast të madh. Gjithashtu, mos harroni të aktivizoni Portrait Mode për të kapur dhe detajet më të vogla falë algoritmit të sofistikuar të inteligjencës artificiale që kanë telefonat. E njëjta gjë vlen edhe për katërputrakun tuaj të preferuar: Portrait Mode i ri i parandalon që qimet e kafshëve shtëpiake të përzihen në sfond, kështu që ju do t’i bëni fotot më të bukura kafshëve tuaja.
Bëni disa shkrepje sponatane gjatë mbrëmjeve me miqtë
Fotot spontane mund të na surprizojnë dhe momentet më të bukura me shoqërinë nuk kanë pse mbeten vetëm në memorien tuaj. Nëse gjatë ditës çdo detaj rrëzëllen nga shkëlqimi i dritës, fotot e natës janë të veshura pakëz me mister. Aktivizoni Night Mode dhe mos u shqetësoni për nivelin e ndriçimit në ambjentin ku ndodheni.
Një këshillë për fotot selfie
Nuk mund të mos përmendim fotot selfie. Selfie-t në vjeshtë janë të ndërlikuar, sepse nuk po përpiqeni të kapni vetëm fytyrën tuaj apo fytyrën e një personi të dashur, por gjithë bukurinë e natyrësqë ju rrethon. Përdorni Wide Selfie mode për një panoramë të plotë të të kuqeve, portokallive dhe të verdhave të ngrohta që janë simbol i vjeshtës. Në fund të fundit, bukuria e kësaj periudhe të vitit është kalimtare. A s’dëshironi ta mbani mend gjatë gjithë vitit?
Jepuni më shumë jetë ngjyrave
Ndonjëherë, ngjyrat e pemëve që shihni përreth jush nuk duken aq të gjalla sa kur i shihni ato përmes lenteve të një kamere. Editimi është prekja finale për një fotograf prandaj eksperimentoni me dritëhijet, kontrastet, theksimin e ngjyrave apo me nivelin e duhur të balancës së ngjyrës së bardhë.
Përgatiti:
