Distria në gjysmëfinale, një hap larg medaljes olimpike

E përditësuar

Xhudistja kosovare Distria Krasniqi kaloi edhe pengesën e radhës, izraeliten, Gefen Primo.

Distria Krasniqi tani ështē fare pranë medaljes olimpoke, ku i mjafton një fitore, shkruan Komiteti Olimpik i Kosovës.

Në gjysmëfinale do të përballet me italianen Odette Giuffrida.

Dy prej xhudisteve më të mira në botë janë përballur plot dhjetë herë deri më tani, shkruan koha.
Së fundi ka fituar Distria. Me tjetër fitore ajo siguron medaljen olimpike në “Parisi 2024”.

****

Xhudistja Distria Krasniqi e ka nisur mbarë garimin në Lojërat Olimpike Paris 2024.

“Xhudistja jonë, shënoi fitoi ndaj indonezianes, Maryam Maharani, me ippon, kategoria -52 kg. Krasniqi u kualifikua në çerekfinale. Forca tutje DISI,” ka shkruar Komiteti Olimpik i Kosovës.

Distria Krasniqi do të përballet me izraeliten Gefen Primo në çerekfinale të kategorisë deri 52 kilogramë.

Në xhiron e dytë, Primo e mposhti xhudisten e Zvicrës Binta Ndiaye.

****

Të shtunën në mbrëmje Kosova mori fitoren e parë në Lojërat Olimpike të Parisit, aty ku boksierja Donjeta Sadiku tregoi një paraqitje të shkëlqyer për të siguruar triumfin.

Ndërsa sot (28 korrik) është dita e kampiones olimpike në xhudo, Distria Krasniqi e cila do të synojë fitoren.

Xhudistja kosovare do të zbresë në tatamin e Parisit me synimin e vetëm që ta përsëris suksesin që kishte arritur tri vite më parë në Tokio.

Në një intervistë para këtij dueli, Krasniqi kishte thënë se qëllimi i saj është që të fitojë medalje, duke mos i vënë rëndësi ngjyrës së saj, shkruan Telegrafi.

Distria është bartëse në këtë Olimpiadë. Garat e xhudos nisin sot (e diel) në orën 10:00, Distria pritet të garojë rreth orës 12:00.

“Shumë fat dhe suksese kampiones tonë, që synon medaljen e dytë Olimpike,” ka shkruar Komiteti Olmpik i Kosovës.

Gjashtë është numri i sportistëve kosovarë të kualifikuar, pesë nga xhudo dhe një nga boksi, si dhe tre sportistë me ftesë të univerzalitetit, dy nga noti dhe një nga atletika.

Listës i prijnë kampionet olimpike, xhudistet Distria Krasniqi e Nora Gjakova, pastaj tre xhudistët tjerë, Laura Fazliu, Akil Gjakova e Loriana Kuka.

Boksin e përfaqëson Donjeta Sadiku, derisa atletikën Gresa Bakraqi. Hana Beiqi dhe Adell Saboviq përfaqësojnë Kosovën në not./Katror.info