Dita e Tokës është afër. Por çfarë do të thotë edhe dita? Ja çfarë duhet të dini për përkujtimin vjetor dhe si të festojmë planetin tonë ndërsa luftojmë ndryshimet klimatike.
“Për mua, çdo ditë është Dita e Tokës,” i tha USA TODAY Leila Yassine, menaxhere e angazhimit global të avokimit të Rainforest Alliance. “Por unë mendoj se është me të vërtetë e rëndësishme që të kemi këtë Ditë të Tokës si një thirrje zgjimi vjetore për të gjithë”, shton tutje ajo.
Ajo vazhdon duke thënë se vetë dita tërheq vëmendjen te organizatat që po punojnë për të sjellë vëmendjen ndaj ndryshimeve klimatike dhe çfarë mund të bëjnë njerëzit për të ndihmuar Tokën të rimëkëmbet.
Mundesh me e lexu edhe…
Dita e Tokës festohet për më shumë se 50 vjet, por nuk njihet në mënyrë zyrtare, siç është raportuar më parë nga USA TODAY.
Pse e festojmë Ditën e Tokës?
Dita e parë e Tokës u festua në vitin 1970 kur 20 milionë njerëz shkuan në ngjarjet inauguruese në shkolla, universitete dhe zona të tjera publike në të gjithë vendin, sipas faqes së internetit të Bibliotekës së Kongresit.
Më pas, në korrik të vitit 1970, u krijua Agjencia për Mbrojtjen e Mjedisit pasi publiku kërkoi ujë, ajër dhe tokë më të pastër pasi më shumë fatkeqësi të shkaktuara nga ndryshimet klimatike dhe ndotja ndikuan në vend.
Çdo vit, në mënyrë të organizuar, shumë OJQ, shkolla dhe grupe aktivistësh festojnë këtë ditë duke kontribuar në forma të ndryshme në pastrimin, rregullimin apo ndryshimin pozitiv të natyrës. /Katror.info
Përgatiti:
