Sot, (e enjte) do të mbahet nata e parë e festivalit “Sunny Hill 2024”. Emra të shumtë pritet të ngjiten në tri skenat e këtij festivali, që nga sivjet mbahet në lokacionin e ri në Bërnicë.
Tashmë në faqet zyrtare të festivalit janë publikuar edhe emrat që performojnë në secilën mbrëmje të këtij edicioni.
Më 25 korrik: Artistja kryesore – Bebe Rexha
Mundesh me e lexu edhe...
Në skenën kryesore: Dafina Zeiqiri, Mozzik, La Fazani, Zwada, The Milk Snatchers dhe Dj SET.
Në skenën C4: BlackCofee, DJ Regard, Adrian Berisha dhe Noki.
Më 26 korrik: Artisti kryesor – Burna Boy
Në skenën kryesore: Lancey Foux, Dhurata Dora, Yll Limani, Capital T, Kamal Jolle dhe DJ Set.
Në skenën C4: The Martinez Brothers, Chloe Caillet, Dani Johnsson, Artssassin.
Më 27 korrik: Artisti kryesor – Stormzy
Në skenën kryesore: Griff, MC Kresha & Lyrical Don & Lluni, Ledri Vula, Ghetto Geasy, Buta, Singullar, Ants Live, Ya Nina, Bleta Përtace, DJ Set.
Në skenën C4: Groove Armada, Tommy Gold, Lekë.
Në 28 korrik: Artisti Kryesor – DJ Snake
Në skenën kryesore: Edgar Kerri, Mygal, DJ PM dhe Dagz, DJ Bennzz, DJ Geek, DJ Deezy dhe DJ Caboo.
Në skenën C4: The Blaze, Zogai, Lab Sadiku. /Telegrafi/
Me synimet që të ketë hiç më pak se njëqind mijë vizitorë për katër net, ky është “testi” i “Sunny Hill Festivalit” si i pari edicion në shtëpinë e vet në Bërnicë të Poshtme, nja dhjetë kilometra prej qendrës së Prishtinës. Kaherë është bërë e qartë se ia ka mësyrë të jetë jo vetëm njëri prej top-festivaleve më të mëdha në Evropë. Nëse do ta arrijë këtë, bilancet do të nxirren në fund, por programi – ku skenën kryesore në natën e parë (sonte), e enjte, do ta pushtojë këngëtarja shqiptare me famë botërore Bebe Rexha – është një dëshmi e fortë. Shifra konkrete për shitje biletash nuk ka.
Parku i Festivalit në Bërnicë veçse është transformuar një ditë para nisjes. Në çdo cep kanë qenë duke u punuar pa ndalur pasditen e së mërkurës. Rrugës për deri në Bërnicë kanë qenë të vendosura udhëzimet për lokacionin e Festivalit. Vizitorët fillimisht ndeshen me sigurimin disa qindra metra larg hapësirës kryesore e më pas me pjesën e parkingut për të cilën paraprakisht duhet paguar biletë. Aty është e ndarë hapësira e zakonshme dhe ajo VIP. Ashtu sikur edhe vendqëndrimet për publikun, shkruan koha.
“Për vetë faktin që është hapësirë e re dhe më e madhe na ka mundësuar të kemi më shumë skena. Kemi dy skena kryesore: skenën e parë dhe skenën e muzikës elektronike, pastaj kemi edhe skenë të vogël të DJ gjatë ditës. Kemi skenë të muzikës alternative për artistë të rinj lokalë, sepse duam t’u japim hapësirë të rinjve të talentuar. Përveç pjesës artistike kemi edhe hapësira të tjera të cilat na mundësojnë ta mbajmë Festivalin në formatin të cilin kemi dashur dhe çfarë festivalesh mbahen në krejt Evropën”, ka thënë Alban Kastrati i Sunny Hill Festival për KOHËN.
Një prej mundësive që organizatorët shohin në lokacionin e ri është që “Sunny Hill” të bëhet një prej festivaleve më të mëdha në rajon e më gjerë.
“Jemi të përkushtuar të investojmë në këtë hapësirë në mënyrë që të validohemi si festivali më i madh në Evropën Juglindore, nëse jo edhe më gjerë”, ka thënë Kastrati.
Ditë më parë Komuna e Prishtinës ka marrë vendim që transporti për të gjithë pjesëmarrësit do të jetë falas nga data 25 deri më 28 korrik.
“Të gjithë pjesëmarrësit e “Sunny Hill Festival” lirohen nga pagesa e transportit publik. Pra të gjithë ju që doni të shkoni në këtë festival, do të mund të udhëtoni falas me autobusë të Trafiku Urban Prishtinë nga data 25 deri më 28 korrik. Nisja bëhet nga ora 17:00 te parkingu i Pallatit të Rinisë, dhe transport do të ketë deri në orën 05:00 të mëngjesit. Pra mund të shkoni e ktheheni nga festivali me autobusë të Trafikut Urban, falas,” thuhet në njoftimin e Komunës së Prishtinës.
Ngjarja më e madhe kulturore në vend ka mbledhur tashmë yjet më të njohur ndërkombëtarë, por edhe ata vendorë. Befasia e këtij edicioni është këngëtarja shqiptare me famë botërore, Bebe Rexha.
Ndër vite ky koncert ka mbledhur emrat më të njohur të muzikës, ndër ta artisten me famë botërore, siç ishte Dua Lipa, Miley Cyrus, J Balvin, Calvin Harris, Martin Garrix, Afrojack, Hardwell, Stormzy, Skepta, AJ Tracey, Action Bronson, Gashi dhe shumë artistë tjerë./Katror.info
Përgatiti:
