Për ju adhurues të leximit, nga sot (5 qershor) deri më 9 qershor është mundësia e artë për të parë titujt e rinj të librave, jo më pak se 2 mijë të tillë. Panairi i 24-të i librit “Prishtina 2024”, sivjet ka zgjedhur moton “Përgjigjja është libri” dhe kjo vjen në epokën digjitale, ku shumica preferojnë rrjetet sociale më shumë se librin.
Panairi organizohet nga Shoqata e Botuesve të Kosovës, me ndihmën dhe bashkëpunimin nga Ministria e Kulturës, Rinisë dhe Sportit, Komuna e Prishtinës dhe Pallati i Rinisë.
Ceremonia e hapjes do të bëhet më 5 qershor në orën 12:00, ndërsa do të jetë i hapur për vizitorë çdo ditë nga 9:00-21:00. Panairi do të mbyllet më 9 qershor në orën 19:00.
Mundesh me e lexu edhe...
Në njoftimin e MKRS-së bëhet e ditur se marrin pjesë rreth 100 botues nga Kosova, Shqipëria, Maqedonia e Veriut dhe Diaspora.
Numri i titujve të rinj – rreth 2000, ndërkaq numri i titujve të viteve të fundit – rreth 6000.
Përvjetorët që shënohen në Panairin e 24-t të librit janë:
- 100-vjetori i lindjes së At Zef Pllumit
- 100-vjetori i vdekjes së Franz Kafkas
Po ashtu do të ketë mbi 40 aktivitete, promovime.
I ftuari i nderit është shkrimtari francez Eric Faye, fitues i Çmimit të Madh për roman të Akademisë Franceze dhe i Çmimit Deux-Margots
Botimi dhe promovimi i vëllimit testament të Rexhep Qosjes, po ashtu i ftuar i nderit.
Panairin pritet ta vizitojnë rreth 40 mijë vizitorë: studentë, nxënës të shkollave të mesme dhe fillore të Kosovës, qytetarë dhe personalitete të shquara nga jeta akademike, letrare, politike e intelektuale e Kosovës.
Ky panair përkon edhe me përvjetorë të rëndësishëm që do të shënohen me aktivitete, përkujtime e debate, ndërkaq do të jenë të pranishëm shkrimtarë ndërkombëtarë e kombëtarë, profesionistë të librit, botues, përkthyes e librarë. /Katror.info
Përgatiti:
