Në kalendarin e Organizatës së Kombeve të Bashkuara, 20 shtatori është Dita Botërore e Pastrimit, e cila për vitin 2024 i dedikohet qyteteve arktike dhe mbetjeve në dete.
Me këtë rast do të zhvillohet një aktivitet në qytetin e Tromsø, Norvegji, i cili synon të frymëzojë komunitetet globale për të adoptuar praktika të qëndrueshme që mbrojnë rajonet arktike.
Ndërkaq aktivitete do të ketë edhe në Kosovë për ta shënuar Ditën Botërore të Pastrimit, ku organizata Lets Do it – Ta pastrojmë Kosovën, ka organizuar aktivitet pastrimi, duke iu bashkuar kështu vendeve të botës, për shënimin e kësaj dite të rëndësishme për planetin.
Mundesh me e lexu edhe…
“Nesër, mijëra vullnetarë nga vendi ynë do t’i bashkohen botës në një aksion të madh për të pastruar planetin tonë. Me këtë veprim të përbashkët, tregojmë se nuk pajtohemi me ndotjen dhe jemi të gatshëm të kontribuojmë për ta luftuar atë”, thuhet në njoftimin e Lets Do It – Ta pastrojmë Kosovën.
Dita Botërore e Pastrimit ka për qëllim të nxjerrë në pah rolin e inovacionit, përfshirjen e komunitetit dhe bashkëpunimin në krijimin e sistemeve të qëndrueshme të mbetjeve që mbrojnë mjedisin e Arktikut dhe kontribuojnë në përpjekjet globale për reduktimin e mbetjeve.
Sipas të dhënave nga Kombet e Bashkuara, prodhimi i mbetjeve të ngurta komunale parashikohet të rritet nga 2.1 miliardë ton në 2023 në 3.8 miliardë ton deri në vitin 2050.
Pa veprime urgjente për menaxhimin e mbetjeve, deri në vitin 2050 kostoja direkte globale e menaxhimit të mbetjeve mund të dyfishohet pothuajse në 640.3 miliardë dollarë. Ndërkohë që PNUD-i bën të ditur se më shumë se dy miliardë njerëzve u mungon aksesi në grumbullimin e mbetjeve./Katror.info
Përgatiti:
