Nata e tretë e Sunny Hill Festival është dukur edhe më gjallëruese, ndërsa kjo energji ka filluar me artistët kosovarë Ghetto Geasy, Ledri Vula e Mc Kresha me Lyrical Son, për të arritur kulmin me daljen në skenë të Stormzy-t, i cili duke valëvitur flamurin e Kosovës, i ka premtuar publikut se do t’i dhurojë emocione të paharrueshme.
“Është hera ime e parë këtu dhe nuk do t’ju harroj kurrë. Betohem se jam jashtëzakonisht mirënjohës. Ju dua shumë të gjithëve,” tha ai duke thënë se gjendet para publikut të Sunny Hill vetëm për një qëllim.
“Unë jam Stormzy, vijmë nga jugu i Londrës dhe kemi vetëm një qëllim sonte: që të gjithë këtu të largohen me kujtime që do të zgjasin 20-30 vjet. Vetëm më jepni pak energji, dhe do të jap gjithçka që kam në skenë, për ta bërë këtë natë të paharrueshme për ty, Kosovë”.
Mundesh me e lexu edhe…
Rep-artisti e kompozitori britanik 31-vjeçar Michael Ebenezer Këadjo Omari Owuo Jr. i njohur profesionalisht si Stormzy, fitoi vëmendje në skenën e muzikës në Britani nëpërmjet serisë së tij “Wicked Skengman”.
Pas debutimin me këngën “Know Me From”, Stormzy ka fituar tre “MOBO Awards” dhe një “BET Awards” në kategorinë “Best International ACT”. Në vitin 2017 ka fituar çmimin “MTV Europe Music Award” në kategorinë “Best Worldwide Act” ndërsa ishte i nominuar edhe për një ”Brit Award”.
Performancës së Stormzy i ka paraprirë kantautorja angleze Sarah Faith Griffiths, e njohur me emrin e saj artistik Griff, e cila këndoi këngë nga albumi i saj “Vertigo”.
MC Kresha dhe Lyrical Son e elektrizuan skenën e Sunny Hill Festival në natën e tretë, me këngën Semafor, e cila në festivalin e vitit 2022 u shndërrua në një “himn” të Sunny Hill.
Publiku ka kënduar së bashku me Mc Kreshën, Lyrical Sun dhe Llunin, jo vetëm Semaforin, por secilën këngë të kënduar, si “Pa mu”, “Hip hop”, “Duqa mi duqa”, “Era”, “Luv, luv, etj.
Getoar Selimi, i njohur si Ghetto Geasy këndoi hitet e tij, kryesisht bashkëpunime, duke përfshirë “Si ajo”, “Malena” dhe “S’jena mo”, të cilat i këndoi edhe publiku.
Pas Ghetto Geasy, Ledri Vula u ngjit në skenë, duke interpretuar “SRMN” dhe duke kënduar bashkë me publikun në refrenin “Sun rrin me neve…”
Ledri ka vazhduar ta mbajë lart energjinë me “Thirrëm qysh dush” dhe këngën e tij të fundit “Paranormal”.
Në ditën e katërt dhe të fundit artisti kryesor do të jetë DJ Snake.
Në skenën kryesore: Edgar Kerri, Mygal, DJ PM dhe Dagz, DJ Bennzz, DJ Geek, DJ Deezy dhe DJ Caboo.
Në skenën C4: The Blaze, Zogai, Lab Sadiku./Katror.info
Përgatiti:
