Lajm i madh për sportistët dhe dashamirët e sportit në Suharekë: është nënshkruar kontrata për ndërtimin e stadiumit të ri të qytetit, një investim mbi 10 milionë euro që pritet të transformojë infrastrukturën sportive të rajonit, shkruan Katror.info.
Ministri në detyrë i Kulturës, Rinisë dhe Sportit, Hajrulla Çeku, ka bërë të ditur se stadiumi do të ndërtohet sipas standardeve më të larta të UEFA-s, me një kapacitet prej 6,518 ulësesh dhe pajisje moderne që do të plotësojnë nevojat e ekipeve dhe tifozëve.
“Ky projekt do të krijojë një hapësirë të re ku sporti dhe tifozët do të bashkohen për momente të paharrueshme,” ka theksuar Çeku.
Mundesh me e lexu edhe…
Pritet që punimet të nisin së shpejti, duke shënuar një hap të rëndësishëm për zhvillimin e sportit dhe rritjen e aktiviteteve sportive në komunën e Suharekës./Katror.info
