Ka filluar Java e Filmit në Suharekë. Gjatë pesë netëve sa do të zgjasë ky event kulturor, në Qendrën e Rinisë “Shtëpia e Fellbahut” do të shfaqen filma që kanë pasur sukses të jashtezakonshëm në shume festivale ndërkombëtare e që shikuesit mund t’i ndjekin pa pagesë.
Fatos Berisha, regjisor i filmit “Cirku Fluturues” që u shfaq në natën hapëse të Javës së Filmit në Suharekë thotë se ndihet i nderuar që ky film po vazhdon ende të shfaqet.
“Kam menduar që shfaqja e vitit të kaluar që ka qenë në mbyllje të “Prifestit” do të jetë edhe fundi i jetës së këtij filmi nëpër kinema, nëpër teatro, u vazhdua edhe këtë vit dhe iu vazhdua jeta edhe më tej. Producente e këtij filmi ka qene Vjosa (Berisha), që ka ndërruar jetë dhe kjo e bën edhe më shume emocionale shfaqjen e këtij filmi,” tha Berisha.
Mundesh me e lexu edhe...
Rabije Kryeziu, organizatore e Javës së Filmit në Suharekë ka treguar për Katror Media gjithçka që do t’iu servohet qytetarëve dhe artdashësve të Suharekës, dhe jo vetëm përgjatë kësaj jave.
“Kjo javë e filmit është shumë e rëndësishme për qytetarë dhe artdashës për të shfaqur filma, se jo të gjithë kanë pasur mundësi si në aspektin e punës edhe në atë ekonomik t’i shohin këta filma më herët, dhe ata këtu të gjithë janë pa pagesë. Janë filma të jashtëzakonshëm, janë bashkëprodhime me Qendrën Kinematografike të Kosovës, me regjisorë të jashtëzakonshëm dhe që kanë korrur suksese nëpër shumë festivale ndërkombëtare.”
“Sonte filluam me “Cirkun Fluturues”, ne e dimë se ky film e ka pasur shfaqjen e parë në Talin Film Festival. Natën e dytë është “Vera andrron detin”, po ashtu një film që ka pasur sukses. Mandej në natën e tretë është “Cold November” nga Ismet Sijarina, në natën e katërt janë katër filma nga Besim Ugzmajli dhe në natën e fundit është filmi “Shok”, që është ajka e sukseve të kinematografisë kosovare,” u shpreh Kryeziu.
Java e Filmit në Suharekë organizohet nga organizata joqeveritare “Dua”./Katror.info
Përgatiti:
