Recetat e lehta e t’shpejta sikurse janë recetat e 4 supave që i patem përzgjedhë kohë ma parë, na ofrojnë mundësi me ba përzgjedhje t’shëndetshme ma shpesh, por edhe ekonomike – meqë maksimalisht po mundohemi me gjetë receta t’lira e t’mira. Kështu, supa klasike me brokolli t’cilën e patëm nda kohë ma parë, ka rezoltu e sukseshshme dhe e pëlqyeshme prej miqëve t’tanë t’cilët e kanë provu. Andaj, kemi vendosë me e bashkangjitë nji version pak ma ndryshe e ma kremoz t’kësaj supe, që normalisht jemi t’bindun që ka me t’pëlqy shumë po e provove.
Supa me brokolli e kashkavall asht n’daç e ushqyeshme, n’daç e shijshme dhe e lirë e kohë-kursyese. Biles kjo supë t’i ofron t’tana t’mirat me ni pjatë e asht edhe e përshtatshme me u përgatitë e me u marrë edhe t’nesërmen me vehte për pauzë t’drekës. Mjafton me i ndjekë disa hapa t’thjeshtë
PËRBËRËSIT:
2 lugë gjelle vaj ullini
1 brokolli (i prerë n’copëza)
2 patate (t’prera n’copëza)
1 qepë (e imtësume)
3-5 degë trumzë
250 ml supë (1 kubëz vegjetariane me 250 ml ujë t’vluar)
1/2 gotë kashkavall (i grirë)
Kripë dhe biber i zi (Opsionale)
Mundesh me e lexu edhe…
HAPI 1:
Shto vajin e ullinit n’tenxhere e për 5 minuta kavërdisi copëzat e brokollit. Largoji ato e vendosi n’nji enë.
HAPI 2:
N’t’njejëtin tenxhere fërgo qepën për 3 minuta dhe shto prap sipër brokollin e fërgum, bashk me copëzat e patates dhe erëzat.
HAPI 3:
Shto supën e përgatitun me kubëzën vegjetariane dhe ziji perimet për 25 minuta.
HAPI 4:
Shto t’gjithë përbërësit n’blender dhe bluji deri sa t’krijohet nji masë e njitrajtshme. Ktheje masën n’tenxhere, shto kashkavallin dhe përzije masën mirë, pastaj servo n’pjatë t’thellë me pak kashkavall sipër.
REZULTATI:
Servoje supën n’pjata t’thella e sipër shtoja pak kashkavall t’grirë. Shoqnoje supën me pak copëza buke t’rreshkun paraprakisht, ose me keksa t’njelbët. Pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2-3 ditë dhe mundesh edhe n’punë me marrë me vehte.
E nëse ke interesim me mësu edhe ndonji recetë t’re t’supave me plot shije, ne ta rekomandojmë supën me domate, supën me speca t’kuq – supë kjo që nuk besojmë ta kesh provu deri më tash. E edhe supa me thjerrëza e limon asht nji “must try”. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
