Sot e kemi sosë me t’pajisë me receta që përmbajnë brokolli. E nisëm me smoothie-n me brokolli e po e vazhdojmë me supën me brokolli. Jo që duhesh me hangër e konsomu brokollin brenda ditës, por, kemi ra n’recetë t’mirë, andaj s’po dojmë me lanë me t’shku huq kjo super-recetë.
E lehtë me u përgatitë, por edhe e mbushun me vlera ushqyese e plot shije, supa me brokolli asht ideale për kando që nuk e pëlqen fort brokollin n’copë, e sidomos ata që kanë fëmijë t’cilët janë ma “zgjedhës n’ushqim”. Plus, kjo supë asht shumë e thjeshtë me u përgatitë.
PËRBËRËSIT:
1 trup selino (e prerë imtësume)
1 patate (e prerë n’kubëza)
1 qepë (e imtësume)
1 brokolli (e prerë)
700 ml ujë i vluar i përzier me 1 kub supe vegjetariane
3 lugë vaj ullini
Kripë dhe biber i zi (Opsionale)
Mundesh me e lexu edhe…
- Advertisement -
HAPI 1:
Fërgo qepën dhe selinon për 5 minuta me vaj ullini.
- Advertisement -
HAPI 2:
Shto perimet, ujin me kub supe dhe ziji ato për 30 minuta.
HAPI 3:
Me blender manual, apo edhe blender tamam fiks, bluje masën deri sa t’bahet e njitrajtshme. Zije supën për 3 minuta t’tjerë dhe servo.
REZULTATI:
Servo supën si paragjellë me keksa t’njelbët, bukë t’thekun ose edhe si pjatë n’vehte. Pjesën që t’tepron ruje n’shishe ose tegëll xhami deri n’3 ditë. Shijo!
Mbasi veç jemi te supat, ne t’i sygjerojmë edhe supën kremoze me lulelakër ose supën me thjerrëza e limon – supë këto që ja vlenë me e provu e me ja bashkangjitë secilës tryezë. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
- Advertisement -
