Organizata “Care for Kosovo Kids” dhe Klubi Alpin Prishtina kanë organizuar lëshime me litarë në Klinikën e Pediatrisë në Prishtinë, me aplinistë të veshur si superheronj.
Fëmijet që ndodhen në këtë klinikë patën rastin t’i shihnin superheronjtë e tyre nga dritaret.
Fushata “Superheronjtë në Pediatri” ka për qëllim mbledhjen e fondeve për shërimin e fëmijëve, të cilët vuajnë nga sëmundje të ndryshme.
Mundesh me e lexu edhe...
Nën organizimin e Klubit Alpin Prishtina dhe Care for Kosovo Kids edhe këtë vit u zhvillua aktiviteti i alpinizmit urban në ndërtesën e Pediatrisë në QKUK.
Sektori i Alpinizmit të KAP dhe vullnetarët performuan nëpër katet, dhomat dhe oborrin e pediatrisë, me qëllim të vetëdijesimit për ngritjen e fondeve për nevojat specifike të pacientëve të onkologjisë.
Aktiviteti ka karakter filantropik dhe zhvillohet me ndihmën e Menaxhmentit të QKUK, FSK, Ministrisë së Shëndetësisë, Bankës Ekonomike, Buçaj, Komuna e Prishtinës si dhe me partnerë dhe përkrahës të tjerë të cilët në çdo mënyrë e përkrahën aktivitetin dhe dhuruan mjete për fondin e pacientëve të vegjël
Përkrahësit kryesor të kësaj ngjarje janë Banka Ekonomike dhe Buçaj
Alpinistët e KAP, të maskuar si superheronjët e kohëve moderne, me lëshime alpine do të ofrojnë gëzim, dhurata dhe habi tek pacientët e vegjël nëpër katet e pediatrisë, gjithnjë nën mbikëqyrjen e stafit mjekësor të klinikës
Këto lëshime urbane me dedikim dhe kauzë janë mënyra jonë e shfaqjes së falënderimit, përkrahjes dhe mirëkuptimit për stafin mjekësor të vendit tonë, për prindërit dhe pacientët e vegjël, për stafin e Care for Kosovo Kids dhe dhuruesit e shumtë të mjeteve në llogarinë e pacientëve të vegjël. Përveç kësaj, është rritje e përgjegjësisë sociale dhe forcim i lidhjeve tona të padukshme, ato lidhjet njerëzore të cilat nuk kanë çmim dhe krijojnë ndjenjën e përkatësisë dhe humanitetit në mes nesh
Vëmendje: Rregullat dhe etika e ndalojnë shfaqjen apo ekspozimin e fëmijëve nëpër klinikë, pa miratimin e kujdestarit apo prindërve (Media dhe të Drejtat e Fëmijëve – UNICEF ).
Pjesëmarrja është e hapur ndërsa fondi i dhurimit është gjithnjë aktiv
Përndryshe ju mund të kontribuoni:
Care for Kosovo Kids
Banka Ekonomike
14 01 00 00 00 39 41 93
Përgatiti:
