Shqipëria i ka përfunduar përgatitjet për ndeshjen e nesërme kundër Spanjës. Në konferencë për media, u paraqitën kapiteni i kombëtares Berat Gjimshiti, dhe trajneri Sylvinho.
Ky i fundit, vlerësoi tejet lart kualitetin e futbollistëve spanjollë, por u shpreh optimist për lojën. “Edhe ne kemi futbollistë briliantë. Presim të luajmë lojë të mirë kundër Spanjës”, tha Sylvinho.
Përzgjedhësi i Shqipërisë ka folur me emocion për të kaluarën e tij në Spanjë. Ai u tha gazetarëve se i është mirënjohës shtetit spanjoll për gjithçka që i ka dhënë atij dhe familjes së tij. Por ai ka insistuar me Shqipërinë synon ta fitojë Spanjën të hënën mbrëma. Ndeshja Shqipëri – Spanjë luhet të hënën nga ora 21:00 në Duesseldorf. Shqipërisë i duhet fitorja ndaj Spanjës për të shpresuar paraqitjen për herë të parë në fazën nokaut.
Mundesh me e lexu edhe...
“Të luaj kundër Spanjës është fantastike. Spanja është përfaqësuese brilante. Kemi kaluar grup të vështirë për të ardhur këtu dhe tani jemi në grupin e vdekjes për të luajtur ndeshjen e fundit me Spanjën. Do të luajmë kundër njërës për përfaqësuesen më të mirë në botë, me disa prej lojtarëve më të mirë në botë. Spanja është prej favoriteve për ta fituar këtë kompeticion”, ka thënë Sylvinho.
Tekniku brazilian si futbollist në futbollin spanjoll ka luajtur nga viti 2001 deri në vitin 2009. Fillimisht nga viti 2001 deri në vitin 2004 si futbollist i Celtas e më pas nga vitit 2004 deri në vitin 2009 te skuadra e Bacelonës. Me Barcelonën ka fituar të gjitha trofetë. Por ai shpreson fitore me Shqipërinë kundër Spanjës. “Është një ndeshje me rëndësi dhe një ndeshje që nuk do ta harroj. Të luaj për herë të parë ndaj Spanjës, jam gjysmë spanjoll, gjysmë brazilian dhe nuk do ta harroj këtë ndeshje. Është ndeshje shumë e rëndësishme. Nëse kjo është ndeshja më e rëndësishme, situata mund ta bëj ndeshjen shumë të rëndësishme. Pas barazimit në minutën e fundit me Kroacinë tani jemi këtu.
Gjithnjë ndeshja që vjen është më e rëndësishmja, kështu që ndeshja me Spanjën është më e rëndësishmja”, ka thënë Sylvinho.
Sylvinho cili mori drejtimin e Shqipërisë në janar të vitit 2023, ndërsa e udhëhoqi atë me shumë sukses në kualifikimet e Evropianit që po mbahet në Gjermani. “Do të luajmë gjatë tërë 90 minutave, nëse fitojmë e kalojmë grupin atëherë edhe më mirë. Do të ishte kënaqësi e madhe të luajmë në mesin e 16 më të mirave. Do të bëjmë paraqitjen tonë më të mirë, nëse bëjmë këtë do të kemi mundësi”, ka thënë Sylvinho.
Nesër do të vendoset nëse “Kuqezinjtë”, do të kalojnë tutje në fazën tjetër./Katror.info
Përgatiti:
