Kuzhina meksikane asht nji ndër kuizinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. E jo kot, tacos, tortillas, enchiladas, tamales e specialitete t’ngjashme kanë zanë vend n’menytë e mijëra restoranteve anë e mbanë.
Kësaj here kemi vendosë me nda me ty nji recetë interesante që e gërsheton shijen meksikane t’taco-ve n’mënyrën ma interesante t’mundshme me supat kremoze t’shtëpisë. Kësisoji, ti mundesh me konsumu diçka ngopëse dhe plot shije, pa i nxjerrë vehtes shumë punë. E këtë ma s’miri e dëshmojnë udhëzimet e maposhtme.
PËRBËRËSIT:
100 gr çipsa tortille (50 gr për supë dhe 50 gr për servim)
2 lugë vaj
1 qepë (e prerë n’kubëza)
1 spec i gjelbërt pikant (i prerë n’copëza)
1 qepë e re (e prerë imët)
4 thelpinj hudhre (t’grira imët)
1 lugë e mesme biber i kuq i ambël
2 lugë e mesme kurkumë (Cumin)
1 lugë e mesme biber i kuq pikant
6 gota supë vegjetariane (6 gota ujë i vluar + 2 kubëza vegjetariane)
200 gr domate t’konservume (t’prera n’copëza)
2 gjethe dafine
½ tufë magdanoz (i grirë)
1 lugë gjelle kripë
80 gr misër i konservum
1 limetë e prerë n’rriska
Mundesh me e lexu edhe…
HAPI 1:
Vendos qepët e grira bashk me hudhër n’tenxhere me vaj dhe kavërdis për 5 minuta bashk me erëzat.
HAPI 2:
Shto specat, magdanozin, domatet e konservume dhe supën e përgatitun me kubëza supe bashk me gjysmën e çipasve t’tortillës n’tenxhere dhe zije masën për 20 minuta.
HAPI 3:
Merr blenderin mobil dhe bluje supën deri sa t’krijohet nji masë e njitrajtshme dhe me konsistencë mesatarisht t’trashë. Servo.
REZULTATI:
Servo tortilla-supën me pak misër t’konservum, rriska speci pikant dhe avokadoje, magdanoz t’freskët dhe çipsa tortile për ekstra shije. Mos harro me i shtrydhë pak limetë sipër. Ngjashëm poashtu mundesh me e përgatitë edhe taco-supën meksikane – supë kjo t’cilën ja vlenë me e provu po që se ke merak n’taco. Biles, edhe taco-sallatës duhesh me ja dhanë nji rast.
Mos e le pa i provu edhe fajitat me mish t’viçit dhe perime, salcë kosi dhe sallatë avokadoje me domate, apo salsa meksikane me misër – kombinim ky që s’duhet me u humbë. T’gjitha këto receta ti mundesh lehtësisht me i përgatitë qoftë për drekë apo edhe darkë e me i shiju n’kushte shtëpije njilloj qysh i kishe shiju me ndonji restoran meksikan, pa pasë nevojë me ba harxhime t’mëdhaja. Madje, ti mundesh me e përgatitë edhe salsën pikante meksikane dhe sallatën me lakër t’kuqe që me i shoqnu këto pjata me to.Gjithashtu, n’rehatinë e shtëpisë ti mundesh me lexu se cilat janë 6 faktet ma interesante mbi kuizinën meksikane – veç pse mundesh. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
