Akrepat kthehen 60 minuta mbrapa natën mes 28 dhe 29 Tetorit.
Natën mes të shtunës 28 Tetor dhe të dielës 29 Tetor do të kalohet nga ora verore në atë dimërore. Në orën 03:00 akrepat do të shkojnë 60 minuta prapa duke na lejuar të flemë një orë më shumë.
Ora dimërore do të qëndrojë në fuqi deri fundjavën e fundit të muajit Mars, e diel 31 Mars, kur do të kthehet sërish ora verore, e cila për herë të parë u vendos për të kursyer energji elektrike.
Mundesh me e lexu edhe…
Ndryshimi i orës në Evropë u vendos si ligj evropian në vitin 1981. Zhvendosja e akrepave në Evropën Perëndimore është vendosur në fillim të viteve ‘70 me shpjegimin se me këtë “zgjatet” dita, rritet produktiviteti, përmirësohet aftësimi i njerëzve dhe dita e punës bëhet më efikase.
Në vitin 2018 pati diskutime për mos ndryshimin e orës nga Parlamenti Evropian ku u la në dorën e qeverive të shteteve përkatëse që të vendosin se cilën orë do të mbajnë. /Katror.info
Përgatiti:
