Mësimi i një gjuhe shtesë mund të ketë më tepër rol sesa vetëm t’ju ndihmojë gjatë pushimeve. Në fakt mund të ngadalësojë procesin e plakjes.
Një studim i kryer mbi 86,000 të rritur të moshës 51 deri në 90 vjeç nga 27 vende evropiane ka zbuluar se personat që flasin tri ose më shumë gjuhë kanë shumë më pak gjasa të shfaqin shenja të “plakjes së përshpejtuar” krahasuar me ata që flasin vetëm një, shkruan Female First.
Kërkuesit nga Qendra Baske për Kogjicion, Tru dhe Gjuhë kanë krahasuar moshën biologjike të pjesëmarrësve – të matur përmes faktorëve fizikë, njohës dhe të stilit të jetesës si shëndeti i zemrës, niveli i aktivitetit dhe cilësia e gjumit – me moshën e tyre reale.
Mundesh me e lexu edhe...
Rezultatet treguan se folësit shumëgjuhësh kishin një hendek më të vogël mes këtyre dy moshave, çka tregon se trupi dhe truri i tyre plaken më ngadalë.
Në një analizë të pavarur të studimit, Jason Rothman dhe Federico Gallo nga Universiteti i Lancaster-it theksuan:
“Të dish më shumë se një gjuhë nuk të mundëson vetëm të komunikosh me më shumë njerëz apo të zgjerojsh horizontet kulturore — duket se ndihmon edhe në një plakje më të shëndetshme.”
Sipas tyre, “gjimnastika mendore” që kërkon përdorimi i disa gjuhëve mund të jetë një nga faktorët jetësorë që nxit plakje më të shëndetshme dhe më të ngadalshme. /Katror.info
