Në qytetin e Bostonit (SHBA) u zhvillua finalja botërore e garës ndërkombëtare i-WISE Global Finals, e organizuar nga Oscar Education, ku morën pjesë përfaqësues nga 32 shtete.
Ergin Paqarizi nga Malisheva dhe Eldar Gashi nga Lipjani sollën krenari për Kosovën, duke fituar vendin e dytë në kategorinë STEM – Biologji, dhe u nderuan me medalje të artë për punën e tyre shkencore.
Projekti i tyre inovativ kishte titullin: “Bee Venom: A Revolutionary Agent in the Fight Against Cancer” – një ide premtuese që trajton përdorimin e helmit të bletës si potencial kundër qelizave kancerogjene, e cila tërhoqi vëmendjen e shumë profesionistëve dhe jurisë ndërkombëtare.
Mundesh me e lexu edhe…
Gara i-WISE është një platformë ndërkombëtare ku të rinjtë ekspozojnë kreativitetin dhe dijet e tyre përmes projekteve në fusha të ndryshme si arti, teknologjia, robotika dhe shkencat ekzakte. Pjesëmarrësit prezantojnë punimet e tyre në stenda ekspozuese të veçanta, duke ndarë idetë e tyre me publikun dhe jurinë.
Suksesi i Ergin dhe Eldar përfaqëson një shembull të fuqishëm të potencialit që kanë të rinjtë shqiptarë në skenën ndërkombëtare të shkencës dhe inovacionit./Katror.info
