Ministria e Shëndetësisë në bashkëpunim me Institutin Kombëtar të Shëndetësisë Publike të Kosovës vazhdon fushatën sensibilizuese kundër kancerit, të “Muajit të Ndërgjegjësimit Kundër Kancerit të Gjirit”, të nisur në fillim të tetorit.
Ministria e Shëndetësisë, kujton komunitetin e prekur nga kjo sëmundje se është në shërbim të tyre. “Tetori Rozë – Muaji i ndërgjegjësimit për kancerin e gjirit. Në çdo moment të vështirë, kujto se nuk je vetëm. Ka një komunitet të tërë që të mbështet dhe beson në ty”, thuhet në fushatën e këtij muaj të postuar në rrjetin social Facebook.
Ministria bën thirrje që gratë të shfrytëzojnë mundësinë e ekzaminimeve falas, pasi zbulimi i hershëm i kancerit të gjirit shpëton jetë.
Mundesh me e lexu edhe…
Me rastin e fillimit të kësaj fushate, Ministria e Shëndetësisë ka njoftuar se nga data 1 deri më 31 tetor 2025, Mamografi Mobil do të jetë në qytetet e Kosovës./RTK/Katror.info
