Edhe një sukses tjetër i verarisë “Tradita” nga Rahoveci. Kjo ndërmarrje që ka në fokus prodhimin e verës nga rrushi autokton që prodhohet në Rahovec, ka marrë dy çmime në “Festivalin e Verës Merano” – festival ky me një traditë italiane prej 32 vitesh, që sivjet u zhvillua në Tiranë, më 11 dhe 12 maj.
Ekspertë nga e gjithë bota, prodhues të verës, degustues, por edhe vizitorë të pasionuar takohen në këtë aktivitet gastronomik ndërkombëtar. Pas procesit profesional të degustimit të verërave, “Tradita” u shpërblye me dy çmime “Wine Hunter Award” për verën e kuqe “Ilirida” dhe atë të bardhë “Ari.”
“Festivali i Verës Merano”, traditë italiane që daton nga viti 1992 mblodhi së bashku kantinat e Shqipërisë dhe Kosovës duke promovuar prodhuesit shqiptarë të verërave dhe produktin vendas në tregun kombëtar dhe atë global.
Mundesh me e lexu edhe...
Pak javë më parë, “Tradita” në mesin e një konkurrence prej 16 ndërmarrjeve nga Serbia dhe 3 nga Kosova, është përzgjedhur nga ndërmarrja shtetërore suedeze që të jetë përfaqësuese e verës unike të prodhuar nga rrushi “dibrak” në tërë Suedinë./Katror.info
Përgatiti:
