Traileri për filmin e ardhshëm “Golda” solli gjithashtu një vështrim të parë në transformimin mbresëlënës të Helen Mirren në personazhin e kryeministres izraelite Golda Meir.
“Në vitin 1973, liderja e rajonit më të kontestuar në botë është Golda Meir”, thuhet në trailerin e hapjes, të cilën e portretizon Mirren si mishërimin e një figure të fuqishme politike. Sipas përmbledhjes zyrtare, filmi, i bazuar në një histori të vërtetë, ndjek Meir përmes “19 ditëve të tensionuara” që përshkruajnë Luftën e Yom Kippur të vitit 1973.
Në trailer, Mirren mund të shihet duke u përballur me zyrtarë të ndryshëm, duke përfshirë Liev Schreiber, i cili luan rolin Henry Kissingear dhe duket i panjohur në portretizimin e tij të ish-politikanit amerikan.
Mundesh me e lexu edhe…
Meir ishte kryeministre e Izraelit midis viteve 1969 dhe 1974. Ajo ishte një figurë e fuqishme globale, por thuhet se fajin e të humburve në Luftën e Yom Kipurit e barti deri në ditët e saj të fundit.
“A e dini sa njerëz kanë vdekur?” dëgjohet duke e pyetur Schreiber Mirren në klip.
“Të gjithë ata djem, unë do ta çoj atë dhimbje në varr”, përgjigjet ajo.
“Golda” nuk është filmi i parë në të cilin Mirren luajti një figurë të rëndësishme hebreje. Ajo luajti refugjaten hebreje Maria Altmann në dramën e vitit 2015 “Woman in Gold” së bashku me Ryan Reynolds, shkruan Katror.info.
Pavarësisht kësaj, ajo u përball me reagime kur u kumtua se ajo do të luaj roli e Meir, me disa kritikë që thanë se një grua hebreje duhet të kishte luajtur karakterin e saj.
Edhe pse aktorja pranoi se kishte folur me regjisorin për këtë, ajo ia adresoi reagimin saj Daily Mailit në vitin 2022, duke thënë: “Nëse dikush që nuk është hebre nuk mund të luajë një grua hebreje, a mundet dikush që është hebre të luajë dikë që a nuk është hebre?”.
Premiera e filmit “Golda” është planifikuar për 25 gusht. /Katror.info
Përgatiti:
